پھرہ ءِ دمگ ءَ ند دوست ءُ ندکارانی وتیکی نیادے

چہ میارجل ءِ بنجاھی ھالرسانی ءِ ھالانی رد ءَ ; گوستگیں دور ءُ زمانگ ءَ لس مردم گوں دگرانی رھوت ءُ وتی لیکہ ھانی درانگاز کنگ ءِ ھاتر ءَ چہ ند ءُ بت کشّی ءَ سوب گپتگ . مردم پہ جوانی ءَ سرپد بوتگ انت کہ پہ آھانی رھوت کنگ ءِ ھاتر ءَ ، ند ءُ ندکشی ، گھتریں وڑ ءُ داب انت ، ند مردمانی مارشتانی زبان انت . ند کشیں مردم کہ چاگرد ءِ تہ ءَ ندکار لیکگ بنت ، دو اردشت ءُ بستار ءِ ھدابند انت ، یکے اے کہ ند ءِ سر ءَ وتی لیکہ ءُ مارشتان ءَ گالانی رد ءَ دگرانی نیمگ ءَ شون دات کن انت ءُ دگرے اے کہ وتی سساہ ءُ مارشت ءَ اے وڑ ءَ درشان کت کن انت ، چہ ھمے دیدانک ءِ رد ءَ انت کہ ند ءَ را لبزانی بنداتی ساچشت ءُ بنزہ ھم گوشت کت کن ایں ، چمشکا ند ءِ ھدابنداں وتی پربندانی لیکہ ءُ مارشت ءَ گوں ند ءِ براہ ءُ ندارگاں گوم ءُ گوناب دے انت . ند ءُ کلم ءِ بستار چہ ھما جاہ ءَ پدّر بیت کہ ما بہ زان ایں انسانی زندمان ءِ راج دپتر ، رند چہ ند ءِ ودیگ ءُ اڈ بیگ ءَ درپ ءُ دارگ بوتگ انت . ند وتی ایوکیں بستار ءَ گوں ، راجانی زندمان ءُ گوستاک ءِ ٹوہ تریں جُلّ ء جاگہ انت .

بلوچستان ءِ دود ءُ روبیدگی بنجل ءِ ندکار ءُ ندکش ماں پھرہ ءِ شھر ءَ ، ند ءِ ھاسیں روچ ءِ نیمون ءَ مچّ بوت انت دانکہ وت ءَ گوں یک دوستناکیں نیادے ءَ برجم بہ دار انت .

ھالکـار : صالحہ دادکانی .

رچانک : میر جـــــــــلال .