پھرہ ءِ دمگ ءَ جھدکاریں بانکے ; ‌(من) بلوچستان ءِ زگر ءُ بودیں دود ءُ روبیدگ ءَ دُھتک ( لیبو ) ءِ اڈ کن

چہ میارجل ءِ بنجاھی ھالرسانی ءِ ھالانی رد ءَ ; رھیمہ پرویز پور ، پھرہ ءِ جھدکاریں بانکے کہ ملکی "دھتک" ءُ بُتُکانی ( لیبو ) اڈ کنگ ءُ ساچارگ ءِ ھدوک انت ، نوں اے مَنّ ءِ سر ءَ انت کہ آئی ءَ توانت گوں ھمے دھتک ءُ بٹوکانی اڈ کنگ ءَ ، وتی بلوچستان زگر ءُ بودناکیں دود ءُ روبیدگ ءَ گیدی ءِ تہ ءَ پجّار بہ دنت . بانک پرویز پور ءَ گوں ملکی ءُ ھندی بُٹُک ءُ دھتکانی اڈ کنوکانی بنجاھے ءِ ھم سنتی ءَ ماں اے پڑ ءَ بازیں جھدے کتگ . اے بانک گوش ایت کہ بلوچستان ءِ تہ ءَ کمیں مردمے ھست انت کہ ھُبّ ءِ سر ءَ اے ازم ءِ تہ ءَ ماں بہ کپ ایت بلے آئی ءَ توانتگ کہ گوں سرجمیں ملک ءِ ھند ءُ ھلاکہ انی وڑ وڑیں دھتک ءُ بُٹکانی نزّارگ ءَ ، کہ پہ ھر کس ءَ گونڈوئی دور ءُ باریگ ءَ تھتال ءُ ترانگے انت ، آھان ءَ الکاپیں دابے ءَ گوں ، وتی کَرّ ءَ درپ بہ دار ایت . بانک پرویز پور ، دھتک ءُ بُٹکانی ھدوک انت ءُ گوش ایت ; اے پڑ ءَ من وتی راج ءُ مُلک ءِ پلامڈزی انی رھچاراں دانکہ بلوچستان ءِ زگر ءُ بودیں دود ءُ روبیدگ ءَ گوں دھتکانی لیب ءِ پیش دارگ ءَ ، پجّار دات بہ کناں . اے بانک یک گپّ ءُ ترانے ءَ رد ءَ گوں میارجل ءِ ھالکار ءَ چہ وتی ھند ءُ ملکی دھتک ساچی ءِ جھداں تران کنت . / رجانک : میرجلال .