ھندوستان ءُ ایران ءِ نیام ءَ رھوتانی نوکیں پرّامے ، چھبار ءِ بندن ءِ باپاری مال بندی ءِ ھاتر ءَ

چہ میارجل ءِ بنجاھی ھالرسانی ءِ ھالانی رد ءَ ; رودرا گاوراو سرشت ، ھندوستان ملک ءِ ربّال ماں ایران ، اے ملک ءِ پیشی مال بندی زمہ انی ھاتر ءَ چھبار ءِ بندن ءَ ترّ ءُ تابے کت .

چھبار ءِ بندن ماں اوراسیا ءُ یوروپ ءِ باپاری لین ءُ دین ءِ بارو ءَ ٹوھیں جلّ ءُ گیگے ءِ واھوند انت . چھبار بندن گیدی ءِ اے ھند ءُ ھبیل ءِ ملکانی نیام ءِ باپاری لین ءُ دین انی پڑ ءَ توھیں بستارے ءِ ھدابُند انت . زانگ لوٹ ایت کہ ھندوستان ءِ ملک ماں چھبار ءِ بندن ءَ باپاری ءُ کار ءُ بارانی پڑ ءَ بازیں گامگیجے گوں ایران ءَ بندات کرتگ کہ دیمی وھداں آھانی کاگد ءُ نمدی دوئیں نلکانی نیام ءَ منّگ بنت . چھبار ءِ بندن داں انّی ءَ پہ اے دگہ ملکانی راجدوستی کمک ءُ مدت ءُ ھوریگیں درنیامی رھوتاں ، ھاسکار پہ اوگانستان ءِ ملک ءَ ٹوھیں جلّ ءُ گیگے بوتگ ءُ دیمی وھداں اوں اوراسیا ءُ یورپ ءِ ملکانی باپاری لین ءُ دینانی ھاتر ءَ ، مزنیں کردے چہ وت ءَ پدر کت کنت . زانگ لوٹ ایت کہ چھبار ، ایران ءِ تہ ءَ ھاسین ءُ ایوکیں ساوڑی بندن انت .

ھالکـار : عبدالقادر شیخ زادہ

رجانک : میر جـــــلال