ھند ءِ وزیر ھارجہ ءِ دلجمیں تران پہ چھباربندن ءِ باندات ءَ

میارجل ءِ ھالرسانی بنجاہ ءِ ھالانی رد : "سوبرامانیام جایشانکار" ھندءِ وزیر ھارجہ ءَماں دیوان سران سازمان ھمکاری شانگھای ءَ چہ دھلی نو ءِ کرتگیں کاراں پہ چھباربندن ءِ دیمروی ءَ نوکتریں اھوالے سر کت .
ھندءِ وزیر ھارجہ ءِ بیان ءَ چو اَتکگ کہ :" ھند ءَ بازیں گام پہ ایران ءِ چھبار بندن ءِ کارانی دیمروی ءَ چست کتگ داں ایمنیں دزرسی ءُ شریں زیر دئِے چہ دریاءِ راہ ءَ پہ بنجاھی آسیاءِ کشوراں جوڑ کنگ بہ بیت "
جایشانکارءَ دیمترءَ گُشت :" ما ھنچو رھشونی ءُ سرسوج کتگ کہ چھباربندن ءَکالب کرویدورءُ راجمانی روءُ آ بزاں گوریچانی ءُ زرباری (iNSTC) بنگیج کنگ بہ بیت "
ھند ماں سال 2015ءَپہ چھباربندن ءِ کارانی دیمروی ءِ باندات ءَ ءُ آسن کشک ءِ (راہ آھن ) جوڑ کنگ کہ ھندءَ گوں اوگانستان ءَ بندوک بکنت ،گوں ایران ءَ اے شور ءُ سلاہ بوتگ پدا ماں سال 2016 ءَ "ناراندامودی"ھندءِ سر وزیر ءِ سپر ءِ وھدءَ ماں ایران ءَ 500میلیون دلاری کاربار پہ چھبارءِ دیمرویءِ کاراں گوں تھران ءَ شور ءُ سلاہ ءُ دزرند کنگ بوتگ .
ایشی ءَ چہ پیش ھم ھند ءِ وزیر امور ھارجہ ءَ سوج داتگ کہ پہ ھاتر ءِ ایمنیں دزرسی ءُ بید دیم دارگ ءَ بنجاھی آسیا ءِ کشوراں پہ زِر ءِ راہ ءَ چھباربندن ءَ راجمانی کریدور گوریچانی ءُ زِرباری بنجاہ زانگ بہ بیت .
آئی ءَ ھنچو چہ ھندءِ کارگَل ءَ، ایران ، اوگانستان ، اُزبکستان ءَ پہ ھوریں کار کنگ ءَ ماں چھبارءِ بندن ءَ لوٹ کتگ .
ھند وت راجمانی کریدورءِ رو ءُ آ ءِ چہ گوریچانی ءُ زِرباری ءِ باسک اِنت بزاں مول ءُ مراد چہ اے کارءَ رو ءُ آ چہ بازیں کشوراں چو کہ ھند ،ایران ،ارمنستان ،جمھوری آذربایجان ءُ بنجاھی آسیاءِ کشوراں چو کہ روسیہ اِنت ۔

رجانك  : ملا چمل