ناسرجمیں راھے کہ مردمان ءَ راھداری کارگس ءِ نزور ءُ ناکاریں جاورھال ءَ ڈاہ دنت

آشار دمگ ءُ نسکنت ھند ءَ کاپہ بلوچی ءِ کلّگ ، سراوان ، سب ، سوران ، گلشن ، مھرستان ءُ راسک ءِ دمگانی میانھوریں راہ ءُ دگ ، دیم پہ دشتیاری ءُ چھبار ءِ ملکان انت . اے دگ ءِ جاورھال رند چہ چنت ترمپ ھور ءِ گوارگ ءَ ھمیش انت کہ شما اے شنگ بوتگیں اکسانی سر ءَ گند اِت . اے درھیں ملکانی مردم ءِ دزبندی چہ ملک ءِ راھداری کارگس ءَ اش انت کہ یک برے پہ ھداروکے ءَ وتی لھم ءُ بوپ وڑیں سیٹ ءُ کرسی ءَ بلّ انت ءُ اے نیمگ ءَ چمّے شانک بہ دے انت دانکہ چہ اے ناسرجم ءُ کل ءُ درپّیں راہ ءِ ھاتر ءَ ، ھند ءُ دمگ ءِ مردمانی زھگ ءُ دلبندانی ھمک روچیں کربانی بیگ ءِ ھال ءَ سھیگ بنت .