میارجل ءِ تامُری مستند چہ باھو کلات ءَ / چہ شجرہ ءِ گانڈواں بہ گر دانکہ شش ھزار ھکتار ءِ کیٹگانی کشت
ماں اولی بھر ءَ تامر ھال ءِ توک ءَ کہ مستند دروشمے دیم ءَ آرگ بیتگ کہ میارجل ءَ چہ باھوکلات ءِ آبریچ ءَ کہ دشتیاری ءِ شھرستان ءِ آبند ءَ اِنت آئی ءِ وڑ وڑیں زیبائی ءُ بودناکی ءُ سیل ءُ سوادی زید ءُ ندارگ شوھاز اِتگ اَنت ءُ آیانی نیمگ ءَ گام ئِے جست کتگ ۔
چہ میارجل ءِ رسانکدر ءِ بُنجاھی ھال ءِ نیمگ ءَ : چہ دود ءُ ربیدگ ءُ کشت ءُ کشار ءَ بہ گر دانکہ سیل ءُ سواد ءُ زید ءُ کھچر ءُ ندارگ ءَ ءُ باھو کلات ءِ کشاورزی ءِ بودناکی کہ دشتیاری ءِ شھرستان ءِ سیل ءُ سوادی آبریچ ھساب بیگ اِنت ۔
باھوکلات ءِ بکش ءَ ماں کشت ءُ کشار ءِ ھساب ءَ دیرگین اِنت ءُ اِے باندات ءَ مزنیں امر ءُ راجدپتر ئِے ھست ءُ اِے بکش ءِ گیشتریں مردمانی کار کِشت ءُ کشار اِنت ، باھوکلات ءِ سیل ءُ سواد ءِ ندارگ ءُ وش زیدی ءُ گانڈوانی ورگ دیگ چہ ملک دینار ءِ نیمگ ءَ اِے ملک ءِ کنڈ کنڈاں نام کپتگ ءُ ھمے نام کپگ ءِ سوب ءَ لَسّ ءُ ھاس مھلوک ئِے زان اَنت کہ ملک دینار شجرہ چہ وتی کیسگ ءَ ءُ وتی ھرچ ءُ درچ ءَ گانڈوانی زندمان ءِ رکینگ ءِ واست ءَ پہ آیاں ورگ شوھاز کنت کہ بلے بژنی گپ اِیش اِنت کہ ھچ زمہ واری ءَ انگت کمک ءُ مدت نہ کتگ ۔
کارمرز کنوکانی هیال