میارجل ءِ روایت چہ نوک رستگیں ناہ ءِ چِنگ ءَ ماں گنداوگ ءَ /دانکہ ھامین ءِ گُڈسر ءَ 16 ھزار تُن ءِ پیش

چہ میارجل ءِ ھالرسانی بنجاہ ءِ ھالانی رد ءَ : ھمے انیگ ءَ شارک ءِ دھکاناں مَچّانی بُرگ بندات کتگ ، دو وڑیں ناہ  کہ یکے کُدمِی ءُ دومی نگال ، ھست انت ۔

گنداوگ ءِ کِشت ءُ کاری ءِ سرمستر ءَ گوشت : ناہ ءِ چِنگ ماں گنداوگ ءَ سرجمیں سالاں چہ اردیبھشت ماہ ءِ دومی بھر ءَ گوں زیت رسیں ناہ ءِ چنگ ءَ بُنگیج بیت ءُ داں آبان ماہ ءِ آھِراں گوں دیر رَسیں مچاں بُرّگ ءُ چِنگ ھمے وڑ ءَ ھست ءُ برجم ءُ روان اِنت۔اَبدل ناسر رئیسی : گنداوگ ءِ مَچانی  ھساب ءُ شمار دو ھزار ءُ چارسد گَوبَند ءَ رس اِیت ءُ گوشت ئِے:اے مَچانی سدی ھپتاد بُن مُزاپتی انت۔

آئی ءَ پیش گوئی کُت : چہ گنداوگ ءِ مَچاں، ھامین ءِ موسم ءِ آھر ءَ گیشتر چہ شانزدہ ھزار تن ناہ چِنگ ءُ بازار ءِ نیمگ ءَ روان دیگ بیت۔گنداوگ ءِ وڑ وڑیں زیت رَسیں ناہ ماں اے شھر ءَ ءُ کِر گوری ئیں شھراں دیگ ءُ بازیں ناھے ھاسکار  مزاپتی پہ سرڈگار ءِ اِے دگہ جاھاں دیم دیگ بیت۔

گنداوگ ءِ جھاد کشاورزی ءِ کامستر ءَ گوشت:ماں گنداوگ ءِ شھر ءَ گیشتر چہ چِل ھزار دانگ مَچ ھَست اِنت کہ چہ آیاں کُدمی ءُ نگال ،زیت رَس اَنت ءُ چہ آیاں ھَلِینی دیر تر ءَ رس اِیت ۔