میارجل ءِ روایت چہ چھبار ءِ سبزیں جاھانی نگیگیں جاوراں / چھبار ءِ ایوکیں بوستان ءِ کار انچو وتسر ءَ
سبزیں جاھانی کمی ءُ نہ بیگ ءِ سوب ءَ ماں چھبار ءِ وڑیں شھر ءَ کہ مدام مستر ءُ مستر بیگ اِنت کہ مزنیں مشکل ءُ نگیگی یے شمار بیت میارجل ءِ ھالکار ءَ چکرے چھبار ءِ شھر ءُ بازار ءَ جتگ ءُ مردمانی گپ ءُ زنگ ءُ زاری ءُ گِلّو اِشکتگ اَنت ۔
چہ میارجل ءِ رسانکدر ءِ بنجاھی ھال ءِ نیمگ ءَ : چھبار ءِ شھر یکے چہ اگیانوسی بندناں ماں ایران ءِ زرباری رودرتک ءِ تہ ءَ اِنت کہ گردشگری ءُ ترّ ءُ تابی ءُ ھژدری ئیں شھراں شُمار کنگ بیت کہ پہ ھر شھر نندے ءِ بھر ءَ کمتر چہ سے متر ءُ مربا کپگ انت کہ سک باز کم تر چہ ایران ءِ ھپت متر مربای ھساب ءَ اِنت ۔
شور کتگ کہ بندات ءَ شھرنند ءُ جھانگول ءُ گردشگرانی میانجی ءَ بہ رو اِیں دانکہ آیانی لیکہ ءَ پہ چھبار ءِ سبزیں جاھانی باوست ءَ سھیگ بہ بئیں گڑا رند ءَ چھبار ءِ شھرداری ءَ شتگ اِیں دانکہ چھبار ءِ شھردار ءِ پسو ءَ چہ سبزیں بوستان ءُ جاھانی بارو ءَ ءُ شھر ءِ ایوکیں مستریں بوستان ءِ کار ءِ بند کنگ ءِ سوب ءَ بہ زان اِیں ۔
کارمرز کنوکانی هیال