میارجل ءِ روایت چہ یک کار جوڑشتی ءَ ترّ ءُ گردی ءِ دروشم ءَ /ابدل ھکیم پادبان گوں بومگردی ءِ جوڑ کنگ
نوبندیان چہ کَدیماں ماں بلوچستان ءِ زربار ءَ زرکاری ءِ بنجاہ بوتگ ءُ کلگ ءُ دمگی مردمانی بھا ءُ زیر ءُ دے ءُ داش ءِ جاگہ بوتگ انی گوں بوم گردی ءِ جوڑ کنگ ءَ کرار اِنت کہ مساپر ءُ جھانگول ءُ گردشگرانی تر ءُ گرد ءِ رو ءُ آ ءَ گیشتر بہ کنت ءُ اِے دمگ ءَ چہ دمگی ھالت ءَ پہ شھری ءُ ملی دروشم ءَ بدل بہ کنت ۔
چہ میارجل ءِ رسانکدر ءِ بنجاھی ھال ءِ نیمگ ءَ ; ابدل ھکیم پادہ بان گوں یک بومگردی ءِ جوڑ کنگ ءَ لوٹ اِیت کہ جھانگولانی پاد ءَ پہ نوبندیان ءِ آبند ءَ پچ بہ کنت ءُ گردشگر ءُ جھانگولاں اِے دمگ ءِ کوھنیں دودمان ءُ زندگی ءِ دروشم ءَ پہ درستیں مردماں پیش بہ دار اِیت کہ نوبندیان چہ کوھن ءُ کدیماں ھرید ءُ بھا ءُ زیر ءِ ءُ باپاری ءِ بنجاہ بوتگ۔
ماں اے بومگردی ءَ ٹولے چہ بانکاں کہ دست گواپ ءُ دمگی چیز ءُ رزان جوڑ کنگ بیگ اَنت دانکہ بانکانی ازم ءَ مردماں شون بہ دار اِیت ، نوبندیان ءِ بومگردی پہ مساپراں بس یک واب جاھے نہ اِنت بلکیں مول ءُ مراد اِیشی اِنت کہ ماں ایشی ءِ تہ ءَ دمگی ورد ءُ وراک ءُ بلوچ ءُ بلوچستان ءِ دود ءُ ربیدگ ءُ دودمان پجار کنگ بہ بیت ۔
کارمرز کنوکانی هیال