پشت ماں پشت پجارائینگ ءِ شوھاز ءَ
چہ میارجل ءِ رسانکی ٹول ءِ رسانکدری بنجاہ ءِ ھال ءَ پہ اِے تامر ءِ پَرّیچگ ءَ یھتگ : گمان ءَ داں مرچیگ ءَ پہ ھر چیزے ءِ منائینگ ءَ ھر چنتیں دلسیاھی یے کہ کَشّ اِتگ پہ اِیشی ءِ سابت ءَ کہ چونیں کسے ئے اسل ءَ ترا پجار ھست اِنت یا ناں ، یکے چہ مستریں جیڑگانے ھور گوں نازانتیں سربُراھی ءُ مدیریت ءَ ماں ایران ءِ زرباری رودرتک ءَ ھاسکار ماں استان ءِ سیستان ءُ بلوچستان ءَ ۔
بے سجل ماں اِے میانجی ءَ چے کنگ اَنت ؟ بازیں مردمے کہ وتی پجار ءَ ھبکہ اَنت ءُ بازینے کہ سالانی سال اِنت سجلانی شوھاز ءَ در پہ در اَنت ءُ کارانے کہ لوٹ ءُ ھژدری بوتگ اَنت کُتگ اَنت اِش بلے اداری بازیں بہ رو ءُ بیا ءُ پروندھانی جوڑشت ءُ دگہ بروکراسی دیم روئی ءِ میلانک بوتگ اَنت ۔
پجار ءِ اِے داستان ھمے وڑ ءَ دراج کش اِنت ءُ بازیں دلسیاہ بوتگ ءُ دمبرتگ اَنت ءُ یلو اِش کتگ بلے بازیں کہ دمبرگ نہ زان اَنت پشت ماں پشت پہ بنگیجی لوٹانی گرگ ءِ شوھاز ءَ تچ ءُ تاچ ءَ اَنت ۔
کارمرز کنوکانی هیال