میارجلّ ءِ راھی کُرتگیں ھالکار ءِ روایت چہ لیپار ءِ اکران ءَ ماں تھران ءَ / تامُرے کہ بومیاں جوڑینتگ
تامُر لیپار ءِ اکران ماں سینما پرھنگ تھران ءَ بنگیج بوتگ ءُ میار جل ءِ راھی بوتگیں ھالکار ءَ ھم اود ءَ سرے جتگ تانکہ چہ تامُر ءِ بومی ساچوکاں تامُرے کہ بلوچستان ءِ دْروشم ءَ جْوان پیش داراِیت؛ روایت بہ گراِیت.
میارجلّ ءِ ھالرسانی بُنجاہ ءِ ھالانی رِد ءَ؛ ھسین ریگی تامُر لیپار ءِ نام کپتگیں سوجکار ماں سینما پرھنگ تھران ءَ ماں سینمائی تامُر لیپار ءِ لَمب ءَ گوں میارجلّ ءَ وتی گپّ ءُ تْران ءِ تہ ءَ گُش اِیت : لیپار ءِ سوبمندی ءُ آسر ءَ رسینگ ءَ چہ چار سال ءَ گیش گوں شپ ءُ روچی جھد ءُ جکانسری ءَ سینمائی تامُر لیپار ءِ ساچکارانی کوششت ءِ گِندوک بوتگاں.
آ گُش اِیت : سینمائی تامُر لیپار ءَ گوں استان ءِ بومی اِزمکارانی تْرپناکی ءَ ءُ گوں شکر ورنائیں اِزمکارانی پجّار کنگ ءَ توان اِت نوکیں موسمے گوں جْوانیں سرکپتاں دیم ءَ بْیار اِیت ءُ مئے زھگاں پیش داشت کہ پہ سوبمندی ءَ رسگ ءَ توان اَنت نہ بوتگیں کاراں ھم بوت بہ کن اَنت.
کارمرز کنوکانی هیال