میارجل ءِ تاجگ ءُ دلکشیں گپ ءُ رپ گوں بلوچانی تژن گْواز ءَ /سئید دھکان ءَ گوں تژنی زبان ءَ ازمی زندما
سئید دھکان بلوچانی تژن گواز ماں میارجل ءِ کارگس ءَ یھت گوں گوشکندی ءَ ازمی زندمان ءِ پھنات ءُ آئی ءِ جھل ءُ برزی ئِے گْوشت اَنت ۔
چہ میارجل ءِ ھالرسانی بنجاہ ءِ ھالانی رد ءَ : سئید دھکان گوں شکور گوش بُرّ ءِ پنّام ءَ ماں گپّ ءُ رپے ءَ گوں میارجل ءَ گْوشت ئِے :تئاتر ءُ گوازی کنگ ءَ جھد کتگ ءُ اِے کار ءَ ابید چہ آیاں چنت زیمل ھم شنگ کتگ اَنت بلے انی پہ بژن گوش آں کہ چہ وتی کار ءَ دلسرد بوتگاں پرچا کہ چہ زمہ واراں کہ اِے پڑ ءَ اگدہ دار اَنت ھچ وڑیں مدت نہ بیگ اِنت.
بلوچانی اِے تژن گواز ءَ درائینت : من مردمانی کندینگ ءِ ھاتر ءَ تامر بند جوڑ کناں دانکہ مردمانی لنٹانی سر ءَ بِچکند بیاراں ھما وڑ ءَ کہ شما زانگ اِت کرونا ءِ سکیں درگت ءَ بازیں مردم چہ زندگی ءَ نا امیت کتگ اَنت بلے جھد کتگ کہ گوں تژنیں تامربنداں مردماں بہ کند اِین ءُ گل بہ کن اِیں ، ءُ ھدا ءِ شگر اِنت کہ مردم ءَ ماں شادی ءَ گندگاں منی اندر ءَ جوانیں یک مارشتے گواڑگ جنگ اِنت.
کارمرز کنوکانی هیال