میارجلّ ءِ گُشگ چہ ورنائیں کارساچے ءَ / بلوچ ورنایانی کَمائی چہ بلوچستان ءِ کوھنیں دودانی زندگ دارگ

میارجل ءِ ھالرسانی بنجاہ ءِ ھالانی رِد ءَ: زبیؔر آبرون چھباری کارساچ گوں میارجلّ ءَ گُش ایت : گوں منی برات ءِ شور ءُ سلاہ ءَ کہ پہ بژن گُشاں شش ماہ اِنت کہ بیران بوتگ ، مارا دہ سال بیت زہ دوچی ما بندات کُرتگ ءُ دو جاگھ ایں ھست کہ پانزہ نپر گوں ما کار ءَ اَنت.

یکے چہ ورنایاں کہ اے کاجاہ ءَ گوں کار ءَ ملمہ اِنت گُشت ئِے : پیسر ءَ مردماں گوں دست ءَ گُد دوتکگ ءُ چَرک ءِ سنئت ءَ توانتگ زہ ءَ ماں گُد ءِ سر ءَ ٹپّہ بہ جنت کہ مردم آسانتر ءُ زوتّر وتی پچّاں تیار بہ کن اَنت.

اے زہ دوچی کارجاہ ءَ پانزہ نپر گوں کار ءَ ملمہ اَنت کہ اگاں ھر کجام وتی کار ءِ تھ ءَ سوھو بہ بنت توان انت شرتر ءُ گیشتریں کمائی یے بہ کن اَنت.

بلوچستان ھنچیں ملکے کہ اود ءِ ورنایاں گیشیں توان ءُ ھاٹیگے ماں ازمی پڑ ءَ ھست ءُ گُد دوچی یکے چہ بلوچستان ءِ کوھنیں دودان اِنت ءُ  بلوچی دوچاں ھر آبریچ ءَ وتی ھاسیں نام پِر اِنت کہ ایشانی سرچمّگ بلوچستان ءِ دود ءُ ربیدگ اِنت.

چھباری ورنایاں توانتگ پاکستانی استادانی جاگھ ءَ ماں دوچ ءُ زھدوچی سنئت ءَ بہ گر اَنت ءُ وت اے ازم ءِ تھ ءَ ازمکاری بہ کن اَنت.

رجانک : آبؔد رھشون