میارجل ءِ گپ ءُ رپ گوں بلوچانی یک گْوشندھے ءَ / مھدی یارمھمد زھی : بلوچستان ءِ زیمل ءِ ھژدری ئیں نِزو
چہ میارجل ءِ ھالرسانی بنجاہ ءِ ھالانی رِد ءَ : گونڈیں گلگدارے گوں مھدی یارمھمدزھی ءَ کہ وش توار ءُ نام کپتگیں گوشندھے ءُ ھرکس ءَ کہ مھدی یارمھمدزھی دیستگ ءُ گوں آئی ءَ ھم تران بوتگ ءُ پہ ارزانی ءَ پوہ بیت کہ ھچ داب ءَ مزنی نہ کنت ،سادگ ءُ مردمی اِنت ءُ ھچبر دروگیں گُرور ءُ نامداری ءِ بندیگ نہ بوتگ ءُ مردمی بیگ ءُ سادگی مدام دوست ئِے داشتگ ، پہ یک گلگدارے ءَ واجہ یارمھمدزھی لوٹائینت ءُ پہ دیم پچی ءَ مئے لوٹ مَنّ اِت ئِے ءُ ما ھم شمارا اِیشی ءِ وانگ ءِ داوت ءَ دے اِیں ۔
دروت
وھد وش بات واجھیں استاد مھدی یارمھمد زھی چہ ایشی ءَ کہ وتی وھد مئے ھِزمت ءَ اِشتگ منت وار اِیں ،
دزبندی کن اِیں کہ وتی سرجمیں پجار ءَ بکن اِت ءُ پہ کارانی بارو ءَ بگش اِت کہ ماں ازم ءُ زیمل ءِ پڑ ءَ کُتگ اَنت ءُ یک سرجمیں ھالے پہ مئے وانوکانی ھزمت ءَ بِلّ اِت ؟
من مھدی یارمھمد زھی آں دزاپ ءَ ودی بوتگاں کہ چہ کسانی ءَ پہ گْوشندھی ءَ واھگوں بوتگ ،ترزساچیں گوشندہ ءُ بلوچستان ءِ ھَندی سازانی ساچوک ،شمبل ءُ شاھی ءِ تامر ءِ زیمل ءِ ساچوک ،مھر ءِ ھنکین ءِ مراگش ءِ بنداتی زیمل ءِ ساچوک ءُ دگہ بازیں کار چوکہ (تیتراژ) "بازگشت" ءِ تامر ءِ ءُ کسانیں گونڈوانی زیمل ءِ سر ءَ کار ءُ بھر زیری ماں وڑ وڑیں جژن ءُ مراگاھاں ءُ زیمل ءِ سنچ پجاریانی داور بیگ کہ چنت دَور زیمل ءِ اِے گروھتاچیانی داوری ءِ زمہ وار بوتگاں ۔
چہ کجام سال ءَ تو گْوشندھی بنگیج کُتگ ؟
من ءَ چہ زھگی ءَ گوشندھی ءِ واھگ بوتگ ءُ شکر ورنائی ءِ درگت ءَ سنگتانی دیواناں ونتگ ءُ بازیں وھد ءَ پیادانی شُتگاں ءُ راھاں بس پہ وت ءَ ونتگ ۔
بلوچستان ءِ ربیدگی ءُ مچانکی ھژدری ئیں ھاٹیگ مندی ءُ گنجائش ءَ ماں چِہ چیزے ءَ گندگ اِت ؟
بلوچستان ءِ زیمل ءِ ھژدری ئیں گنجائش اِے ربیدگ ءُ زیمل ءِ پیشگ ءُ شاھگانی اِنت ،پہ درور : سوت ءُ نازینک ءِ زیمل ، پھلوانی ،گوانی ، ساھبی ءُ دگہ کہ ھرکجامے ءَ ھاسیں رنگ ءُ دگری یے ھست ۔
بلوچستان ءِ ھژدری تریں ربیدگی ءُ مچانکی ٹپّ ءُ زیان ماں انیگ ءَ چے اَنت ءُ اِیشانی توجیل ءَ باید چے بکنت ؟
پہ بژن گُشاں کہ ھژدی تریں زیان زیمل ءِ آکادمیک دربرائینگ ءِ نہ بیگ اِنت ءُ بژنی گپے کہ ھچ وڑیں وانگجاہ ءُ یا شھدربرجاھے پہ دربرائینگ ءَ ورنایانی ساٹگ ءِ واست ءَ نیست اِنت ءُ گندئے مردم بہ گر چہ اِیشی ءَ کہ کم تریں زانگ ءَ پہ ھَندی زیمل ءُ ربیدگ ءَ دست پہ جوڑشت ءَ جن اَنت کہ اِے گپ وت مونجان کنوک اِنت پہ اِے جیڑگانی توجیل ءَ یک کسے ءِ کار نہ اِنت باید مچانکی پگرے دیم ءَ برگ بہ بیت ۔اِے شکر ورنا باید گوں مزن جھدے ءَ دربرائینگ بہ بنت توری انی نوکیں (مدرن) زانگ ءُ زانشت بہ بیت یا ایشکہ پہ بلوچستان ءِ پیشگ ءُ ربیدگ ءِ پجار ءِ واست ءَ وانینگ بہ بنت ۔
رسانکدر ءِ کار ءُ کارست ءُ پہ بلوچستان ءِ دیم روی ءَ چے گندگ اِت ؟
رسانکدر ءَ سک باز مزنیں کارستے پہ کارندہ ءُ جھدکارانی پجارگ ءَ دیم ءَ برگ اِنت ۔رسانکدر ھر وڑ ءَ یک مچانکی ھمگام کنوک سک باز زرورت اِنت ،یک ءُ دگرے ءِ اھترام ءُ یک ءُ دگرے ءِ سگگ سک باز ھژدری اِنت;ما باید یک ءُ دگرے ءِ گور ءَ بہ بئیں پرچا کہ اِے یک مچانکے جیڑگے گڑا باید اِنت کہ درستانی دیدانک چارگ بہ بنت ۔
رجانک : میرجان میر
کارمرز کنوکانی هیال