میارجل ءِ گپ ءُ رپ گوں بلوچانی گْوشندہ ءَ/منسور پاد : بلوچستان ءِ اِزم ءَ انگت دراجیں راھے ماں دیم ءَ

چہ میارجل ءِ ھالرسانی بنجاہ ءِ ھالانی رِد ءَ ; منسور پاد یا شمبل ءُ شاھی ءِ تامر ءِ گوازی کنوکیں مزار کہ بلوچستان ءِ ورنائیں اِزمکارے کہ بلوچستان ءِ ازم ءُ دود ءُ ربیدگ ءِ ھَزگار کنگ ءَ بازیں جھد ئِے کتگ ۔

 گْوشگ ءَ اِنت : مئے ورنا گِندگ بیگ ءِ رَند ءُ پَد ءَ اَنت ، ھر کِیمّت ءُ نِھاد ءَ لوٹ اَنت گِندگ بہ بنت بلے پہ شر گِندگ بیگ ءَ نہ جیڑگ اَنت کہ اِے یک مزنیں مشکلے ۔

آئی ءَ تران کنان کُت ءُ درائینت : بلوچستان ءِ اِزم ءَ مزنیں راھے ماں دیم ءَ اِنت دانکہ ھَزگار بہ بیت ءُ چاگرد ءَ پجارگ بہ بیت ، باید بلوچستان ءُ بلوچستان ءِ ازم ءَ گیشتر پجار بہ کن اِیں دانکہ چاگرد ءِ دیدانک بدل بہ بیت ، بلوچستان ءِ شریاں گیشتر پیش بہ دار اِیں دانکہ سوب مند بہ بئیں ۔

 آئی ءَ چہ بلوچ ورنا ءُ مردماں لوٹ اِت کہ بلوچی زبان ءَ شر یات بہ گر اَنت پرچا کہ بلوچی زبان دیریگین ءُ کوھنیں زبانے ءُ بلوچستان ءِ چاگرد آئی ءِ دارگ ءُ سَمبالگ ءَ گیشتر جھد بہ کنت.

محمدندیم هاشم‌نیا