بندن آزات ءِ نیگواھی ءَ چھبار ءِ ءُ دشتیاری ءِ اِزم ءِ مَھری لنگ کُتگ

چھبار ءِ لبزانکی گل ءِ کارگشاد واجہ میرجان میر ءَ پہ میارجل ءِ ھالرسانی بنجاہ ءَ یادداشتے نبشت : چہ مدتے بے برمشی ءُ بے تواری ءَ نوکی کسانیں بْرمشے پہ جھد کنگ ءُ رژنے ءِ بالینگ ءِ نیت ءَ ماں چھبار ءَ گوشاں کپان اَت ءُ گِند ءُ نند ءُ رو ءُ آ ماں چھبار ءِ پیشگیں پرھنگ ءُ ارشاد ءِ بُنجاہ ءَ (گلشھر) ءَ ھست اَت ءُ ھر نیمگ ءَ چہ ھر کوٹی ءَ بْرمش ءُ توارے پیداگ ءَ اَت ھر چنت کہ کرونا ءِ جھان پیڑیں نادراھی ءَ سرجمیں ملک ءُ ڈیھ گوں وت پیتکگ اِت اَنت بلے گلشھر ءَ ازم ءِ چراگ روشنا اَت ءُ ھرچنت چہ پرماندار ءُ شورا ءُ راجگس ءِ جَھگیرانی نیمگ ءَ ھچ وڑیں امیتے پہ اِے پِڑ ءَ مردماں نیست اَت بلے گوں ھمے ھال ءَ مئے دل وش اَت کہ گیشتر گلانی دروازگ پَچ اَت ءُ چہ زیمل ءِ کوٹی ءَ استاد اسھاک ءِ توار گوشاں کپان اَت ءُ " سینما " ءِ دروازگ ھم پہ اِے تھر ءِ مردم ءُ واھوکاں واجہ مولابکش رئیسی مگرب ءِ نزیک ءَ پَچ ئِے کنان اَت ءُ   پد ءَ دیم پہ دیم ءَ آ نیمگ ءَ استاد ابداللہ بھار گوں وتی نودربر ءُ ھمراھاں وش ھتی ءَ دزگٹ اَت کہ شئر ءُ شپ ءُ شادی آئی ءِ ازم ءِ پتر ءَ سما بیگ اَت ءُ سِیت مند بیان اِت اِیں ءُ ما ھم وتی گل ءِ چِن ءُ لانچ ءَ اِت اِیں ءُ بیگاہ بیگاھاں پچ کنان اِت اِیں کہ کم کم ءَ کِرّ ءُ گْور ءِ لچہ کاراں ھور کسانیں چُکاں درگیجگ ءَ اِت اِیں کہ بیاینت ، گلشھر  ءَ گپ ءُ ازم ساچی ءُ گند ءُ نند ءُ وانینگ ءُ دربرینگ ھرچ وڑ ءَ ماں ھرچ تھرے ءَ چہ نِیستی ءَ گھتر اَت چوکہ شھر ءِ توک ءَ اَت ءُ پہ ھر آیوک ءُ روکے ءَ ارزان اَت ءُ ھرکس ءَ رو ءُ آ کت ءُ وتی ھمے کسانیں کوٹی ءِ نندگ ءَ رزا ات اِیں ءُ پد ءَ دگہ جارے شِنگ بیت کہ " بیا کہ چھبار ءِ بندن آزات ءَ اِے نیگواھی پہ ازم ءُ دود ءُ ربیدگ ءِ واست ءَ کتگ کہ پرھنگ ءُ ارشاد ءَ مستر بہ کنت ءُ وتی ھَزگارین ءُ ڈڈیں واڑ ءِ توک ءَ جاہ ئِے بہ دنت ءُ یک مدیر کلے ءِ بستار ئِے بہ دنت ءُ ھرچنت باھو ءُ دشتیاری ءِ ءُ بریس ءُ پسابندن ءِ ھکّ اِے توک تلاں گار کنگ بیت پرچا کہ سرجمیں شھر بندن آزات ءِ چیر ءَ شُت ءُ آ  شھر ءِ دست ءِ چیر ءَ اِت اَنت انچو بے واھند کنگ بوت اَنت کہ واجہ سادکی ءَ ھمے باندات ءَ تژنے ھم نبشتگ اَت کہ "اے ملکانی مردم گوادر ءُ کراچی ءِ پرھنگ ءُ ارشاد ءِ وزیر ءِ دست ءِ چیر ءَ برگ بنت" ءُ بندات ءَ مارا گوشت اِش :"شمارا درستیں گل ءُ ازمکاراں ءُ شمئے ھرچ کارے ءَ بستار دیگ بیت ءُ کہ پیشتر ءَ یک جاگاھے پہ ھاجی کمالان ءِ  نام ءَ بستگ اِش بلے ھما بندات ءَ دیم درائی ئیگ ءَ زانگ بیت کہ ازمکارانی جاگاہ نہ اِنت ءُ اِیشی ءَ چھبار ءِ ازمکار شرتر زان اَنت ءُ گڑا مدیر کل آرگ بیت ءُ بہ گر بدار ءُ ٹومبو ءُ رمبو بیت ءُ مئے بازیں سنگتانی چم رژنا بوت اَنت ءُ بازیں نہ وش اَت کہ ملازھی کار کت نہ کنت بلے ما ھما اولی ٹول ءِ مردم اِت اِیں کہ واجہ ملازھی مئے ھم زبان اِنت ءُ ما باز وشھال اِیں کہ آرگ بوتگ ءُ مدت ئِے کن اِیں ءُ انگت ھم آئی ءَ مدت کن اِیں دانکہ دیم ءَ بہ روت بلے اگاں مئے گپ ءَ ءُ مئے کمک ءَ لوٹوک بہ بیت کہ پیش ئِے داشتگ کہ مئے کمک ءُ مدت ءَ واستو مند نہ اِنت بلے ما دوا گو اِیں کہ کاراں پہ جوانی آسر ءَ بہ رسین اِیت) ءُ بلکیں نوکیں درے پچ کنگ بیتگ ءُ ما جوانی ءِ سر ءَ کار کت کن اِیں گڑا مدیر کل ءَ گوں سرجمیں ازمکاراں مراگشے گپت ءُ ھرکس ءَ وتی گپ یک مزنیں واھگ ءُ نیتے ءَ دیم ءَ آورت اَنت کہ لبزانکی گل ءِ کابینہ ءَ بس اولی دیدار ءَ بلوچی دودانی رھبند ءِ پاسداری ءَ واجہ ملازھی ءِ وش آتک ءَ وھد دات ءُ ھمے کار کنگ بیت ءُ روچ کم کم ءَ روان بیت اَنت ءُ واجہ رزوانی ماں سینما ءِ پِڑ ءَ کمک کارمستر گچین بیت ءُ رند ءَ گندئے کہ گلشھر ءِ اداری جاہ ءَ سے نوکیں بانک پیشگیں کارمستر ءِ جاہ ءَ مزنیں اوتاگ ءَ نادینگ بوتگ اَنت ءُ واجہ مھمدی کہ اولی روچ ءَ چہ واجہ ملازھی ءِ زبان ءَ کمک کارمستر کنگ بیتگ اَت یک کِرُّکے ءَ کسانیں کوٹی ءَ جاھکے داتگ ءُ اشکنگ ءَ سے دگہ بانک ماں بندن آزات ءِ توک ءَ گیش کنگ بوتگ اَنت بلے اینچو توانمندیں انسان ءِ گنج ءَ پد ءَ وتی شھر ءِ ازمکار اَنت ءُ وانندہ ءُ مدرک اِش ھم ھست بلے دگہ یک رُمبے جاہ داتگ اَنت بلے ھیر اینچو مردم ءِ آیگ ءَ ءُ مدیر کل ءِ گیش بیگ ءَ انگت ھم گلانی (انجمن سینما ۔ انجمن خطاطی ۔ انجمن موسیقی ۔ انجمن شعر و ادب)  دپ بستگ ءُ پورو اَنچیں پگرے آرگ بوتگ کہ ھمے وڑ کنگ بہ بیت ءُ ازمکار سارت بہ بنت ءُ پِڑ ءُ میدان ءَ یلو بہ دے اَنت ءُ چو پیشگینانی وڑ ءَ لوگ نندی ءَ گِچین بہ کن اَنت ۔

بندن آزات ءُ دکتر کردی ءُ با نک شھرکی ءُ واجہ ملازھی اگاں نیگواھی یے پہ دود ءُ ربیدگ ءُ اِزمکاراں ھست اِنت گڑا پرچا چھبار ءِ دود ءُ ربیدگ ءُ ازم ءِ لنگیں مھری ءِ الاج ءَ کُت نہ کنگ اَنت ؟