میارجل ءِ روایت چہ ماکا ءِ مِلّی گَل ءِ کسانیں تامر ءِ مدت کنگ / دیدانکانی بدلینگ ماں بلوچستان ءَ از
چہ میارجل ءِ ھالرسانی بنجاہ ءِ نیمگ ءَ : ماکا ءِ گَل ءِ کارگشاد واجہ سادک سھرابی ءَ گوں میارجل ءِ ھالرسانی بنجاہ ءَ گوں گپ ءُ رپ کت ءُ گْوشت ئِے : ماں اِے گَل ءِ مراگش ءَ دیدانکانی بدلینگ ءُ ھرچی گھتر ءُ شرتر استان سیستان ءُ بلوچستان ءِ راستیں دروشم ءِ ماں رسانکدر ءُ تلویزیون ءَ پیش دارگ ءِ مول ءُ مراد ءَ برجم دارگ بوتگ کہ ھپتاد ءَ گیش کسانیں تامر چہ سرجمیں ایران ءَ گوں "بلوچستان ءِ ءُ بلوچ مردمانی زندمان ءِ راستیں دروشم " ءِ بنگپ ءَ پہ اِے گل ءِ دبیرگس ءَ راہ دیگ بیتگ اَنت ۔
آئی ءَ درانگاز اِت : ماں اِے تامرانی تہ ءَ کہ چہ سرجمیں استانانی تامر ساچاں راہ داتگ اِت اَنت ، جوانیں وڑ ءَ بلوچی دود ءُ ربیدگ پجارگ ءُ دیم ءَ آرگ بوت اَنت ءُ گڈسر ءَ 12 سوب مندیں تامر گچین کنگ بوتگ اَنت.
ماں اِے گل ءِ مراگش ءَ ایران ءِ باسکوپ ءِ مزنیں تامرساچ ءِ تامر کہ نام ئِے "خورشید آن ماہ " اَت ھاسیں دروشم ءَ پہ ساڑی ئیں مردماں پیش دارگ بوتگ ۔
کارمرز کنوکانی هیال