میارجلّ ءِ گُلگِدار چہ یک ھرکزانیں وراکے ماں بلوچستان ءِ شَدر ءُ مروارد ءَ / انباگ چہ کسرکند ءِ مُلک

میارجل ءِ ھالرسانی بنجاہ ءِ ھالانی رد ءَ: انباگ مُلکی نارشتے کہ چہ اَھداں ماں گنداوگ ءِ دَمگ ءَ گرادگ بیت ءُ ماں مردمانی میان ءَ باز لوٹوک ئِے ھست: اے ملکی نارشت چہ انباگ ءِ سبزی ءَ اڈّ بیت کہ اے سبزی وت ماں کسرکند ءَ کشگ بیت. پہ وڑے کہ اے دمگ ءِ ڈگارانی 70ھکتار ءَ اے سبزی کِشگ بیت.

رند چہ کِشگ ءَ اے سبزی دو ماہ وھد لوٹ ایت تاں بہ رس ایت ءُ چِنَگ بہ بیت سبزیکار رند چہ چِنَگ ءَ آئی ءَ بندُک بندُک ءَ نَزّ کار اَنت ءُ بازار ءَ دئے اَنت۔
گنداوگ ءِ زالبول گوں ھاسیں ازمکاری یے ءَ آئی ءَ ھُرد کن اَنت ءُ پَد چہ چُنت رند شودگ ءَ اے سبزی پہ گرادگ ءَ تیار بیت.

گنداوگ ءِ ازمگر ءُ ورگ گرادیں زالبول گوں روگِن ، گوشت ءُ واد ءُ مسالہ ءِ گیش کنگ ءَ آئی ءَ گراد اَنت ءُ پد چہ یک ءُ دو ادار ءِ گوزگ ءَ پہ وَرَگ ءَ جریدگ بیت.
اے تامر ءِ تھ ءَ انباگ ءِ سبزی ءِ چِنَگ ءُ ھُرد کنگ ءُ گرادگ ءِ وڑ ءُ ڈول پیشدارگ بوتگ .

رجانک: آبد رھشون