میارجلّ ءِ ھال چہ دشتیاری ءُ چھبار ءِ ھزمت زیریں وانینوکاں / رجانک+تامُر

میارجلّ ھالرسانی بُنجاہ ءِ ھالانی  رِد ءَ؛ دشتیاری ءُ پُلّان ءِ دمگ ءِ بھا زیریں تھر ءِ وانینوکاں گوں اے جیڑہ ءِ نیمگ ءَ اشارگ کنان ءَ کہ سالانی سال ءِ دْراجی ءَ پہ نیک نیّتی ءُ گمواری گوں اَلّمیں زانشجاھی مدرکاں، کمّیں پگاراں، بے ھساب ءُ بے کتاب ءَ، نہ زانتگیں بیمہ ءُ ماں اے کرونائی سالاں گوں وانینوکانی سرکاری دامگ ءِ دْرچ ءَ ھوار نہ کپگ ءَ ءُ پہ اے مُلک ءِ نودربراں دامگ ءِ ھرچ ءُ دَرچ ءِ چہ وتی کیسّگ ءَ کشّگ، اے ملک ءِ جنک ءُ بچکیں نودربرانی کمک کنگ ءُ آیانی زانت ءِ بُرز ءَ برگ ءَ سک بازجھد ءُ کوشش کُرتگ اِش، وتی پگار ءُ بیمہ ءِ برجم داری لوٹ اِش کُت.

اے وانینوک گُش اَنت : کم چہ کم اُستادی ءِ جْوانیں کار ءِ شان ءَ بزرگانی گُشگ ءِ پَد ءَ پیگمبرانی کار ءُ روزگار اِنت گوں کاری اَدارانی پیش کنگ ءَ ءُ آیانی گوں اداری کارانی وھداں دیم پہ دیم کنگ ءَ ءُ پولکاری اَدارانی چمّاں نیارگ، ساچ کاری، دربری رنگ رنگیں تھر ءُ... آنی سر ءَ دست چست مکن اِت یک سادگیں وانینوکے ءِ اُگبالاں کہ سْرین پْروشیں گْرانی ءِ چیر ءَ اِنت، بھایانی گیش کپگ، دشتیاری ءُ پلان ءِ سیمسری ءُ زبھری دمگانی رو آ ءِ ھرچ ءُ دَرچ، دربری ءُ...چوش کہ چاگرد ءِ آ دگہ مردمان اَنت ایشاں دلگوش بکن اِت. دشتیاری ءُ پلان ءِ ٹوھیں دمگ ءَ 570 مردم بھازیریں وانوکانی ھساب ءَ  زھگانی وانینگ ءُ ردوم دیگ ءِ ھزمت ءَ گُلائیش اَنت.

رجانک : جنید بلوچ