مھرستان ءِ دمگ ءِ گرمی ءُ بنزن ءِ سرپانی کتار ، یک ورنائے ءِ کسہ کہ بیھار ءِ جاورھال ءَ پہ شریں موھے

چہ میارجل ءِ بنجاھی ھالرسانی ءِ ھالانی رد ءَ ; انیگیں روچاں مردم سھبانی درگت ءَ نگن ءُ دیگر ءِ وھد ءَ بنزن ءُ گیس ءِ دراجیں سرپانی کتار ءَ اوشتوک انت . چوشیں جاورھالے ھلاکہ ءُ اے ھند ءِ مھتر ءُ مامیرانی کارپد ءِ گواہ ءَ کنت داں جاھے کہ نوں درستیں مردم چہ آھانی کارمستری ءَ نا امیت بوتگ ءُ وت چہ نگیگی انی بیھار ءَ پہ وت ءَ چلوپگانی گیگ ءُ موھے شوھاز لنت . ملک ءِ دگہ ھند ءُ ھلاکہ اں مردم گند ایت کہ ماں روڈ ءُ سڑک اں لھتے گونڈو ءُ نوک ورنا موٹلانی تچ ءُ تاچ ءِ نیام ءَ ترّ انت ءُ لاپ ءِ شوھازگ ءَ ھر یک چلوپگے ءَ گلائیش انت بلے ماں بلوچستان ءَ ، کہ امبری سال ءَ سرپانی کتار ءِ سال بوتگ زند ءِ کتاب ءِ تاک دگہ وڑے تَرّ ایت ، مردمانی روزگار ءُ لاپ ءِ والینگ ءِ موہ ، ماں موٹلانی شھری ءُ ڈن شھری جمبور ءِ سرپانی کتار ءَ نہ انت بلکیں ماں بنزن ءُ دگہ سامانانی دزاجیں سرپاں شوھازگ بیت . اے دمگ ءَ یک نوک ورنائے کہ یک سال انت موٹلانی سرپ ءِ نیام ءَ شربت ءُ نیوگلنی آپ ءَ بھا کتگ بزاں آئی ءَ چہ سرپانی بیھار ءَ پہ وت ءَ چلوپگ ءِ موھے درگتکگ . شما را گوں ، مھرستان ءِ شھر ءِ دراجین سرپانی بارو ءَ یک تامرھالے ءَ ھوری ءَ گندیں . ھالکـار : عبیداللہ رئیسی رجانک : میر جـــــلال .