مھرستان ءِ دمگ ءَ چہ شھرداری ءُ دمگ داری ذمہ وارانی نا اُگدہ ای ءَ ٹرک ءِ ساھب ءَ ۵ ملیارد تومنی تاوا

چہ میارجل ءِ بنجاھی ھالرسانی ءِ ھالانی رد ءَ ; پیشی یکشمبہ ءِ روچ ، ۱۴۰۲/۵/۲ ءِ رمس ، ایوار ءِ ادار 5 ءَ ، "آتش نشانی" بنجل ءِ ۹۰۰ متری ءِ ھبیلی ءَ یک ٹرکے گوں بار ءَ بُن گپت ءُ سوتک .

ھاشم زھی اے ٹرک ءِ ڈلیور ، ماں گپ ءُ ترانے گوں میارجل ءِ ھالکار ءَ گوشت ; تپاک ءِ وھد ءَ ما چنت رند ءَ گوں مھرستان ءِ "آتش نشانی" بنجل ، تاں تنی گوں شھردار ءُ دمگ دار ءِ جرند ءَ رھوت کت بلے کس منی پسو ءَ نہ دات ، پمیشکا منی جرند شھر ءِ "آتش نشانی" ءِ بنجل ءِ شت اں بلے اے بنجل ءِ دو کارندہ پیسر ءَ یک بُن گپتگیں ڈکانے ءِ آس ءِ کُشگ ءَ شتگ ات انت ، دگہ آس کُشیں موٹلے اود ءَ ھست ات بلے چہ دومی موٹل ءَ کارندہ ءَ ھالے نہ ات . 

اے واجہ ءَ گوشت مھرستان ءِ شھرداری ءُ دمگ داری ءِ بے زمہ ای ءِ ھاتر ءَ ، ۵ ملیارد تومنی تاوانے منی سر ءَ ڈول بوت . ٹرک ءِ ڈلیور ءَ گیش کت کہ ۱۵ سال انت کہ من چہ واش ءَ اد ءَ سمٹ (سیمان) کار اں ، بلے ھبکہ ای گپے کہ اینچوکیں شھرے ءِ آتش نشانی ءِ بنجل ءَ بس دو کارندہ ایں مردم بہ بیت اگاں شھر ءِ تہ ءَ ماں یکّ دمانے ءَ دو جاہ ءَ آس ءِ تپاکے بہ کپ ایت گڑا "آتش نشانی" ءِ کارندہ اں چے کن انت ؟ اگاں ھر دوئیں شھردار ءُ دمگدار ءِ لوگاں یکیں زمان ءَ بُن بہ گر انت اشاں کجام اگدہ دار ءِ لوگ ءِ آس ءَ کُش انت ؟

ھالکـار : عبیداللہ رئیسی

رجانک : میر جــــــــلال