مولوی نھنگی : ماں مکران ءِ تیاب دپ ءَ بے دروریں نیامت ھست اِنت / پہ ھرکس ءَ شریں سوج ءُ ھیال منی دل ءِ

چہ میارجل ءِ ھالرسانی بنجاہ ءِ ھالانی رِد ءَ : مولوی یونس نھنگی چہ شھرستان کنرک ءِ سرشناسیں مردمان اِنت کہ آئی کار ءُ کوشست ماں اے دھنگ ءَ باز سوبین بوتگ اَنت آئی ءَ کارباری چاگرد ءِ بارو ءَ یک شریں ھیال ءُ لیکھے پیش کت ءُ باز پہ مردمانی کارشری ءَ ھمراہ اِنت ءُ لوٹ اِیت کہ زیبداریں بلوچستان ءَ آباد بکنت ۔
دیمتر ءَ ھمے گپ ءُ تران ءِ پوروئیں ھالکاری نبشتانک ءَ گوں اے کارکنوکیں بلوچ ءَ بہ وان اِت ۔

واجہ وتی جرند ءِ کتگیں کاراں پہ بلوچستان ءِ شریانی باروءَ گپ بکن اِت ؟

ماں بلوچستان ءَ مارا یک ارزشمندیں زر ءُ دریاے ھست اِنت ماں زرباری ءُ روکپتی نیمگ ءَ مارا زرآبادے ھست اِنت کہ اِداں مئی زمین پہ کشت ءُ کشار ءِ کار ءَ تیاراَنت ءُ زمین ءِ چیر ءِ آپی پرزونگ پُر آپ اَنت سیل سوادی پھنات ماں درک ءِ تیاب دپ ءَ اے درست بے دروریں شری اَنت اگاں اِداں بُنی کارانی بُنجاہ جوڑ بہ بنت دلجم ءَ بلوچستان ءِ جاورھال چہ مروچیگیں داب ءَ باز گھتر بیت کنت راہ ءُ شھدگے کہ گوں چھبارءَ دزرسی بہ بیت پرچا کہ مروچی چھبار یکے چہ دنیا ءِ شرتریں بندرگاھان اِنت ھنچو مزن کار کریدور بلوچستان کہ زرباری چہ ھوزستان داں بلوچستان ءِ ھور کنت بایداِنت کہ ھرچی زیت تر اے کار ھلاس کنگ بہ بیت.

اے شھدگ مزن کمکے کت کن اَنت اے درست ھمگرنچ اَنت گوں اِشی ءَ کہ ماں اے ھند ءُ دمگ ءَ بُنی کار کنگ بہ بنت ءُ بایداِنت کہ دمگی چاگرد زانتکار کنگ بہ بنت داں وھدے کہ دمگی چاگرد زانتکار مہ بنت ءُ آیاں پہ بال کنگ ءَ بانزُل مہ دئیں ءُ دلگوشداری مہ کنیں چوش ءَ دیمروی ءَ مانایے نہ بیت  بایداِنت کہ دمگی چاگرد ءَ کار بہ دئیں ءُ آیاں کمک بکن اِیں داں کہ دیم ءَ بیا اَنت ءُ چہ اے چاگرد ءِ شریاں بھر بزیراَنت داں وھدے کہ ما وتی چاگرد ءِ شریاں دیم ءَ میاراِیں ءُ مئی مردم چہ اے شریاں پہ وت ءَ زر ءُ مالے درگپت کت مکن اَنت گڑا اے ڈول ءَ ھچ دیمروی یے ماں مکران ءِ تیاب دپاں بیت نکنت ما باید اِنت وتی چاگرد ءِ مردماں دلبڈی بہ دئیں ءُ رھشونی بکن اِیں آیانی وانینگ ھم باز مھم اِنت وانگی بُنجاہ ما بایداِنت کہ جوڑ بکن اِیں پہ درور ماں کشاورزی پھنات ءَ بدل کنگی زانت ءَ کار بہ بنداِیں ھنچو کہ موز ءِ درچک وھدے کہ چہ زمین ءَ درکیت ءُ رُداِیت چہ کُنٹ ءَ بگر داں کہ تاکان ءُ اے دگہ چیزاں رند چہ بُرگ ءَ یک بروردے بہ بیت ما اے چیزاں بایداِنت کہ کارمرز بکن اِیں بزاں بدل بیت کن اَنت پہ ھیوانانی وراک ءَ یا کہ کارتون ءِ جوڑ کنگ ءِ ھمیر ھم بیت کن اَنت ءُ پہ درچکاں کود ھم بیت کن اَنت یا کہ موز ءِ کُنٹ پہ الکل ءَ بدل بیت کنت اے چیزاں ما پہ دگہ ملک ءُ کشوراں دیم دات کت بکن اِیں اے رد ءَ ءُ پہ اے بازارءِ ھاتر ءَ چو کہ ما ماں تیاب دپی جاھاں نشتگ اِیں ءُ کشور اُمان چہ مئی گور ءَ باز نزیک انت مکران ءِ مرکز آپی سیمسر مئی گور ءَ اِنت پہ درور آپی سیمسر ماں زرآباد ءَ بزاں سالے گیش چہ 300 ھزار تُن مئی استان ءِ کشاورزی برورد کہ ھر نیمگ ءَ چہ مھروم اِنت ماں ھرمزگان ءَ جاشک ءِ بندن ءَ رواَنت ءُ چہ اوداں پہ دگہ کشور ءُ جاگاھاں دیم دیگ بنت بیت کنت کہ اے کارءَ ما چہ بندر شھید رزائی زرآباد ءَ کہ یکے چہ کشور ءِ زرباری ءُ رودرآتکی شرتریں ءُ دیم ءَ شُتگیں بندان اِنت پہ ھمے کارءِ ھاتر ءَ ساجو بکن اِیں۔

شما چہ زمہ داراں چہ اوستے داراِت؟ 

چہ نزام جمھوری اسلامی ایران ءِ نیمگ ءَ بازیں شریں کارے ماں اے ھند ءُ دمگ ءَ کنگ بیتگ مئی امیت ءُ اوست ھیش اِنت کہ دیمتر ءَ ھم اے کار تیزتر کنگ بہ بنت ءُ بُنکی کار جوڑ کنگ بہ بنت بایداِنت کہ راہ ءُ شھدگ جوڑ کنگ بہ بنت ھنچوشیں راہ کہ مرکز ءَ ءُ ملک ءِ رودرآتکی نیمگ ءَ گوں روکپتی نیمگ ءَ ءُ گوریچانی نیمگ ءَ ھور بکنت ءُ بنکی کار پہ سیل سواد ءِ ھاتر ءَ پہ اے دھنگ ءَ کہ یک شریں تیاب دپے ءِ واھنداِنت ماں ایران ءَ سرجم کنگ بہ بنت داں کہ دگہ برے ماں اے راھاں بے گومیں پیش آمدے پہ ھچ کس ءَ مہ کپیت اے گپ ھم گوشگ کرزایت کہ باز چاربیچار کنوکیں مردم ءُ سیل سواد کنوک چہ ڈنی ملکاں اِداں کاینت من اے وھدی چہ مکران ءِ تیاب دپ ءِ شریانی باروءَ ھرچی بگُش آں اَنگت کم اِنت ءُ اے گپ ھجبر ھلاس بیت نکنت ھاوند ءَ بازیں نیامت ماں مکران ءِ تیاب دپاں ھست کتگ بلے ما بایداِنت کہ ایشاں دَر بگیج اِیں 
من کہ یک مردمے آں کہ ماں اے ھند ءُ دمگ ءَ زند گوازینگ ءَ آں اے مئی وزیپہ اِنت کہ ما یکدگر ءَ کمک بکن اِیں بایداِنت کہ جاور پہ اے دمگ ءِ مردماں بدل کنگ بہ بنت چہ ھر نیمگ ءَ بزاں کارباری ءُ چاگردی ءُ سیاسی داں کہ اے دمگ ءِ مردم دیمروی بکن اَنت انشااللہ اے دیمروی گوں ھاوند ءِ رزا ءَ بیت کنت۔

پہ اے ھند ءُ دمگ ءِ دیمروی ءَ شمارا دلجمیں لیکھے ھست ؟

ماں اے دمگ ءَ ما بایداِنت کہ زانشتی بنیاد ءَ یک زانشتی لیکھے بداراِیں داں کہ اے کار ءَ دیم ءَ برت بکن اِیں بلے من چیزے کہ لوٹ آں بگُش آں اِیش اِنت کہ اے دمگ ءِ مردمانی جرند ءِ اِزم ءَ زانت ءِ کہ ھرکس ءَ وتا ھست اِنت کار کنگ بہ بیت پہ درور تیاب دپی ملکاں مردم گیشتر مِید ءُ ماھیگ کُش اَنت پد ءَ 20 کیلومتر ءَ دیمتر ءَ مردم زمین کار ءُ دھکان اَنت ھنچو برزتر ءَ مردم دامداری کار ءَ کنگ ءَ اَنت پہ منی ھیال ءَ پہ ھمک کار ءَ وانینگی بُنجاہ جوڑ کنگ بہ بیت بزاں ھمے مردم کہ تیاب دپ ءَ نشتگ اَنت چہ ماھیگ کشی اِزم ءَ زانتکار کنگ بہ بنت اے رد ءَ چہ دانش بنیان بنجاھاں کار بگراِیں ھنچو زمینکاری پھنات ءَ یاکہ سنئت ءُ سیل سوادی پھنات ءَ دگہ کارانی تہ ءَ گوں زانشت ءُ زانگ ءَ دیم ءَ روان بہ بئیں ۔

پہ بلوچانی باندات ءَ چہ وتی جرندءِ کارباراں مئی وانوکاں زانتکار بکن اِت ؟

اے وھدی 10 سالے بیت کہ من چاگردی ءُ سیاسی کار کنوکے آں ءُ پہ مردمانی کارانی رند ءَ تک تاچ کنگ ءَ یاں من پہ وتی انسانی مارشت ءِ ھاتر ءَ پاد ماں اے پڑ ءَ اِیر کتگ ءُ گوں شھرستان ءِ ءُ استان ءِ برے گوں کشور ءِ مدیر ءُ زمہ داراں گپ ءُ تران کتگ برے لوٹاینتگ اَنت ءُ مردمانی جنجال کشت کشاری ماھی کشی ءُ دگہ کمی یے کہ من دیستگ اَنت ماں اے ھند ءُ دمگ ءَ گوں آیاں گوشتگ اَنت ءُ ھمے گپ پہ ھالکاری بُنجاھاں رسینتگ اَنت من بازیں گند نندے گوں شھرستان ءِ ءَ گوں استان ءِ ءُ گوں مرکز ءِ زمہ داراں کتگ اے درستیں گپ من جتگ اَنت ھداءِ شگراِنت داں جاھے کہ منی دست ءَ بیتگ من مردمانی جنجال گیش گیوار کتگ اَنت اے کار منی جرندءَ یک وشیں مارشتے دات ماں اے پڑ ءَ من دیمتر ءَ دیمروی کن آں ءُ ھر گپے کہ پہ مئی دمگ ءِ مردمانی پائدہ ءَ اِنت من بیان اِش کن آں زندمان ءِ اے چندیں سباھاں کہ ما زندگ اِیں پہ وتی چاگرد ءَ شریں کارے کت بکن اِیں ۔

گڈی گپ ؟

نیکیں نام گر بمانیت چہ مردمے /گھتر کہ چہ آئی بمانیت کلے تلاہ کاریں

رجانک : ملا چمل