مولوی درتکیدہ : بلوچانی جنین چہ کدیماں ماں سرجمیں پِڑاں باج بروک تریں بوتگ اَنت /بلوچانی جنین سَکّ ک

چہ میارجل ءِ ھالرسانی بنجاہ ءِ ھالانی رِد ءَ : مولوی مھمد درتکیدہ بلوچانی ربیدگی جھدکار اِنت کہ میارجل ءِ کارجاہ ءَ ساڑی بیت ءُ یک تامُری گلگدارے ءَ درائینت ئِے : بلوچانی ربیدگ ھما ایران ءِ کْوھنیں ربیدگ اِنت کہ بلوچسان ءَ آئی ءِ سمبالگ ءُ سینگ پہ سینگ ءَ سر کنگ ءَ جھد ئِے کتگ ءُ ماں اِے ربیدگ ءَ بلوچانی جنین ناں بے وس ءُ لاچار اَنت بلکیں بلوچستان ءِ سر ءِ تاج اَنت.

آ گْوشگ اِنت : ما پہ وتی جنیناں پھر کنگ اِیں ھما وڑ ءَ کہ زانگ اِت جنینانی جاگاہ ماں اسلام ءِ توک ءَ ھما اندازگ ءَ بُرز اِنت کہ ھاوند ءَ (النسا)جنینانی سورتے پہ آیانی نام ءَ آورتگ ھالانکہ پہ مردینانی نام ءَ ھچ وڑیں سورتے نام اِیر کنگ نہ بوتگ ءُ کران پاک ءِ جاہ جاہ ءَ پہ آیانی سمبالگ ءُ اِھترام ءِ واست ءَ کَڈن ئِے کتگ.

درتکیدہ گوشگ اِنت ; مسلمانانی جنین ماں کرکینکانی تہ ءَ دست نہ وارتگیں مُروارد اَنت ءُ ما مردین باید چہ  اِے گرانبھائیں مُرواردانی ھیالداری ءَ بکنیں پرچا کہ دین ءُ ایمان ءِ برجم کنوک اَنت ،ھمے وڑ ءَ ماں دینی زندمان ءَ چہ جنین ءُ مردین ءِ برابری ءَ گُشگ بوتگ ءُ اِے جیڑگ ھما اندازہ ءَ کران ءَ دیم ءَ آورتگ کہ جنین ءُ مردین جسمی ھساب ءِ ھم کَدّ ءُ برابر نہ اَنت بلے کران ءَ اِے دگری ماں جوڑشت ءَ یک ءُ دگری ءِ گھتری ءُ سربُری ءِ مَنّانک نہ زانت.