ایشی ءَ کہ من بنگاہ داری کنگاں دْرُست ھیران اَنت / باید بہ مَنّاراینتیں کہ کُت کناں + تامُر
چہ میارجل ءِ ھالرسانی بنجاہ ءِ ھالانی رِد ءَ : اِے بری بلوچانی یک جھدکاریں بانکے ءِ گور ءَ شُتگ اَنت کہ یک مِلکی بنجاھے ءَ دیم ءَ برگ ءَ اِنت،اِے جھد ءِ باپار ءَ وتی گَپّ چُش دْرانگازاِت انت : "زاناں مارا جنیناں ھَکّ نیست اِنت کہ ماں چاگرد ءِ توک ءَ جھد بکنیں ،ما چاگرد ءِ نیم بَھر ءِ واھُند اِیں ، اگاں کَش ءُ کِرّاں بچار اِیں پہ درور چہ ھمے جنیناں "سازمانی" گھتریں کارمستر دیست کن اِیں ۔
مُزاھری نیا ءَ تْران کنان کُت : من کار ءِ بندات ءَ یک شُشت ءُ شود "کارواش "جاھے ماں پھرہ ءَ باڑو کتگ ءُ آئی ءِ اَوزار ءُ کاربوج چہ کرمان ءَ لوٹائینتگ اَنت ۔
بلے بژن اِیش اَت کہ آئی ءِ اجازت نامہ ءِ نہ رسگ ءَ گوں دیم پہ دیم بوتاں پرچا کہ من یک جنینے آں ءُ ھمیشی ءِ سوب ءَ بازیں ڈنگر ءُ دارانے میلانک ءُ بازیں نگیگیاں دیم پہ دیم بوتاں ءُ لاچار بوتگاں "دزگاہ" ءَ ھما وڑ ءَ سِیلّ بستو بَھا بکناں ۔
آ دیم تر ءَ گْوشگ ءَ اِنت :رند چہ شُشت ءُ شود ءِ کار ءَ چھبار ءَ یھتان ءُ "بیمہ" ءِ یک کارگِسے پَچ کُت ءُ پد ءَ ھم گوں بازیں جیڑگاں دیم پہ دیم بوتاں ءُ انی گوں وتی بچک ءَ مِلک جاھے ءَ دیم ءَ برگ ءَ آں ، یک بانکے ءِ کار کنگ ءِ نگیگی ماں بلوچستان ءَ سک باز اَنت ءُ بلے من ھچبر چہ ڈوک جنی ءُ مُشکُلاں دَم نہ براں ءُ گوں ھچ مردے ءُ مدت کنوکے ءَ وتی کار بنگیج کُتگ ءُ داں گڈسر ءَ ھم بران ئِے ۔
کارمرز کنوکانی هیال