مبارکیں پاکوان ءِ چہ بر وانگ ءِ مراگش
چہ میارجل ءِ بنجاھی ھالرسانی ءِ ھالانی رد ءَ ; اے مراگش گوں "قاری خلیل الرحمن صحت" ءِ تلاوت ءُ واجہ مولانا عارف ھوتی (سورو کلگ ءِ آدینگ ءَ نمازانی پیش امام) ءِ گپانی درشان ءَ بندات بوت .
اے مراگش ءِ رد ءَ سد کس ءِ کچّ ءِ مردماں چہ ۹ دمگ ءَ ، "قراعت ، حفظ و ترتیل" ءِ بھراں ، چہ اولی ءُ نیامی تبکانی دربروکاں ، ھر روچ ءِ سھب ، زُھر ءُ روچ نشت ءِ درگت ءَ بھر زُرتگ ءُ چکاّس داتگ .
مراگش ءِ گُڈسر ءَ میھمانیں "قاری" اں گوں وتی وش تواریں "تلاوت" ءَ ، سور کلگ ءِ دین دوست ءُ اے دگہ مردمان ءَ نیک ءُ وشّیں ھالے بکشات .
اے مراگش گوں مولانا ابراھیم ساھب ( نیکراھی دربرجاہ ءِ پاگواجہ) ءِ منواری ءِ تران ، واجہ مولوی عبدالعزیز اربابی ساھب ( گہ ءِ "قطب" ءِ کماش ) ءِ درشان ءُ لھتے استاد ءُ باج بروکانی باج بری ءُ نیکیں دواھاں ھلاس ءُ آسر بوت .
رجانک : میر جــلال
کارمرز کنوکانی هیال