ماں دشتیاری دمگ ءَ ، یک دربرینوکے ءِ کوش ءِ تپاک ءِ کسّہ ، چہ اے دمگ ءِ آموزش ءُ پرورش ءِ کارمستر ءِ گ

چہ میارجل ءِ بنجاھی ھالرسانی ءِ ھالانی رد ءَ ; اے تپاک کہ ماں دشتیاری دمگ ءَ درگس ءِ کلگ ءِ یک دربرینوکے ءِ کوش بارو ءَ شنگ ءُ شانگ انت ڈن چہ دربرجاہ ءُ رند چہ وانگ ءُ دربرگ ءِ وھد ءَ بوتگ .

محمد ادریس پردل ءَ گوشت ; حسین مھدی پور ، درگسی دربرجاہ ءِ دربرینوک "فروردین" ماہ ءِ دوازدھمی روچ ءَ ، چہ اے کلگ ءَ دیم پہ چھبار ءِ شھر ءَ روگ ءَ بوتگ ، بژن انت کہ راہ نیام ءِ چہ لھتے بے پجاریں مردمانی نیمگ ءَ راہ بندی ءُ اُورش آماچ ءُ چہ پاد ءُ لاپ ءِ نیمگ ءَ تیری ءُ زدگ بوتگ ءُ رند ءَ چہ مردمانی نیمگ ءَ کہ ھمے راہ ءَ روگ ءَ بوتگ انت اولسر ءَ نوبندیانی درمانی اُوجانس ءُ رند ءَ چھبار ءِ نادراھجاہ ءَ رسینگ بوتگ . ۳ روچ ءِ دوا ءُ درمان ءَ پد ، چہ تپّانی زراب ءَ دوشیگیں شپ ءَ چھبار ءِ نادراھجاہ ءَ بیران بوتگ .

دشتیاری کارگس ءِ کارمستر ءَ وتی گپانی گڈ سری بھر ءَ گوشت کہ ھدامرزی حسین مھدی پور ، درگس ءِ رستاخیز دربرجاہ ءِ جھدکاریں دربرینوکے بوتگ ءُ مدام وتی دربرینی پڑانی جھد ءَ کتگ . ما وتی دلپدردی ءَ آئی ءِ کھول ءُ لوگمان ءُ دربرینوکیں راجمان ءِ دیوان ءَ جار جن این ءُ چہ ھند ءُ دمگ ءِ لس مردماں لوٹیں کہ آئی ءِ کوشارینگ ءِ زمہ وارانی شوھازگ ءِ ھاتر ءَ وتی پورہ ایں جزم ءَ سرکاری کارگس ءُ اگدہ دارانی گوم ءَ کارمرز بہ کن انت .

 ما ھور گوں وتی رزامندی ءِ درشانی چہ ھند ءُ دمگ ءِ آمیدگس ءُ امن ءُ امان ءِ پدّر ءُ پھنامیں کارگسانی اگدہ داراں ، چہ آھاں لوٹیں کہ اے گرانیں وئیل زمہ واران ءَ کہ ماں دربرینوکانی مزن لیکگ ءِ ھاسیں روچ ءِ درگت ءَ چوشیں موک ءُ ملامے ءِ سوب بوتگ انت ، اشتاپی سر ءَ درگیجگ ءُ سزا دیگ بہ بنت / رجانک : میرجلال .