کارے ءِ گوشگ داں کنگ ءَ ; بلوچستان ءِ دمگاں کاپری دربرجاھانی برچنگ ءِ ناسرجمیں واب !
میارجل ءِ اھوالکار ءَ چہ یک کاپری دربرجاھے ماں جمکان کلّگ ءَ کہ بنت ءِ ھندانی ۲۵ کیلومتری ھبیلی ءَ انت یک ھالے شنگ ءُ شانگ کٹگ کہ اد ءِ دربروکیں گونڈو نگیگیں جاورھاے ءَ گوں یک کاپرے ءِ توک ءَ وانگ ءُ دربرگ ءَ انت ءُ چہ ھند ءُ دمگ ءِ اگدہ داراں پہ وت ءَ یک دربرجاھے ءَ لوٹ انت .
چہ میارجل ءِ بنجاھی ھالرسانی ءِ ھالانی رد ءَ ; گوں اے مدّھا ءَ کہ ملک ءِ اگدہ داریں کماش ءُ مستر اں رند پہ رند ءَ جار جتگ کہ کاپری وانگجاھاں درھیں ھند ءُ دمگانی تہ ءَ برچنگ بوتگ ءُ ھلاکہ ءِ تہ ءَ ھم چنت رند ءَ چوشیں دربرجاھانی ھلاسی ءِ جژن ءُ مراگش برجم دارگ بوتگ بلے بژنی گپے کہ سیستان ءُ بلوچستان ءِ لھتے دمگاں انگت ءَ کاپری دربرجاہ برجاہ انت ءُ اے ھند انی بزگیں دروشم زاھر ءُ پدّر انت .
میارجل ءِ اھوالکار یک تامرھالے چہ جمکان ءِ کلگ ءَ برجم داشتگ کہ بنت ءِ ۲۵ کیلومتری ھند ءُ ھبیلی ءَ انت . ھال ءِ رد ءَ اے کلگ ءِ دربروکیں گونڈو نگیگیں دابے ءَ گوں وانگ ءُ دربرگ ءَ انت ءُ چہ ملک ءِ مستر ءُ ذمہ واراں یک دربرجاھے ءَ لوٹ انت.
ھالکـار : امید درزادہ
رجانک : میر جــلال
کارمرز کنوکانی هیال