« گھتریں باندات ءِ شوھاز ءَ » کُجا برویں؟+ تامُر

میارجل ھالرسانی بُنجاہ ءِ ھالانی  رِد ءَ؛ چہ ساجد آدم پیرا ءِ کتاب " گھتریں باندات ءِ شوھاز ءَ" ءِ دیمدرائی گْوستگیں ھپتگ ءَ پنچ شمبے ءِ روچ ءَ برجم دارگ بوت ھمے کہ اے کتاب ءِ نبشتہ کار  چہ وتی بنگیجی کتاب ءِ بُت ءَ دیمدرائی کنگ ءَ اَت چہ مراگش ءِ ساڑی ئیں چُکّاں جُست ئِے کُت کہ شمئے ھیال ءَ نوکیں باندات ماں کوچّگ ءُ میتگ ءَ باید اِنت شوھازگ بہ بیت یا شھر ءَ؟

ھمے رنگ ءَ اُستان ءِ اسلامی ارشاد ءُ دودمان ءِ ادارہ ءَ سَد بُنبند چہ «گھتریں باندات ءِ شوھاز ءَ» ءِ کتاب ءَ پہ استان ءِ کتابجاھاں زُرتگ دانکہ اُستان ءِ لھتیں کتابجاہ اے کتاب ءَ چُکّانی دست ءَ رسینت بکن اَنت ءُ گوں کتاب ءِ وانگ ءَ کہ چہ سیمسری میتگاں کُوچّگی چُکّے ءِ سرگْوست اِنت، اِے جُست ءِ پسّو ءَ سر بہ بنت کہ باید اِنت گھتریں باندات کجا شوھازگ بہ بیت، شھر ءَ یا کوچّگ ءَ؟

البت اے سسّاساچیں کتاب داستان ءِ درشانگ ءِ ھواری ءَ، ماں بلوچستان ءَ ترّ ءُ تاب ءِ اَھمّیں جیڑہ ءِ سر ءَ ھم گپ جنت، پرچا کہ یکّے چہ بلوچستان ءِ دمگ ءِ اَبرمی توانائیاں  یکّے آئی ءِ تَرّ ءُ تاب اِنت کہ تاں اے دمان ءَ آ رنگ ءَ کہ باید اِنت دمگی مردم ءُ واکدارانی نیمگ ءَ دلگوش گْور دیگ نہ بوتگ ءُ جاہ ھست اِے بنگپ ءِ سر ءَ  کار کنگ بہ بیت.

رجانک : جُنید بلوچ