گوَرگِند ، دیم درائی مراگشے گوں بے وھدی ءِ تام ءَ

چہ میارجل ءِ بنجاھی ھالرسانی ءِ ھالانی رد ءَ ; کبلہ ایں بنپور ءِ "رادیو لوژی" ءِ بنجاہ گوستگیں سال ءِ بھمن ماہ ءَ چہ ھلاکہ ءُ ھند ءُ دمگ ءِ اگدہ دارانی نیمگ ءَ دیم درائی بوت بلے انگت ءَ چہ کارندہ "تکنسین" ءِ نہ بیگ ءِ ھاتر ءَ بند ءُ ناسرجم انت . میارجل ءِ ھالکار ءِ پٹّ ءُ لوٹ ءِ رد ءِ اے چار ماہ انت کہ پھرہ ءِ علوم پزشکی زانشتجاہ ءِ مستر ءُ کارمستراں پہ اے بنجاہ ءِ کارندہ اے ءَ جد ءُ ھل کنگ ءَ انت ءُ دنیگت ءَ بے سوب منتگ انت . نوں جُست اش انت کہ وھدے کہ پہ اے بنجاہ ءَ کارندہ ایں مردمے شوھازگ نہ بوتگ ات ، دیم درائی ءِ اشتاپ کنگ ءَ چہ ھُجّے پَشت کپتگ ات ؟ البت ما را چہ بنپور زمین ءِ سروک ءُ اگدہ داریں زمہ واراں دگہ جستے اوں ھست کہ چوشیں ناھودگ ءُ ناسرجمیں بنجاھانی ھُشکیں دیم درائی ءِ مراگشاں پرچا گل کن انت ءُ ھلاکہ ءِ ٹوھیں مزن ءُ مستران ءَ اینچوک راھے ءَ کَشّ کن انت ءُ دلسیاہ کن انت ؟ / رجانک : میرجلال .