گنداوگ ءِ پرماندار ءُ اے دمگ ءِ نیکراھی ءِ سروکاں ءُ روبیدگی جھدکارانی نند ءُ نیاد ءِ تہ ءَ چے گُوَس

چہ میارجل بنجاھی ھالرسانی ءِ ھالانی رد ءَ ; گنداوگ ءِ پرمانداری ءِ سرکماش اے نند ءُ نیاد ءِ نیمون ءَ چہ ھند ءُ دمگ ءِ شھر ءُ کلّگ ءِ مردماں ، ماں راہ ءُ دگ ، بھداشت ، آپ ءُ برگ ،  کار ءُ چلوپگانی شوھازگ ءِ پڑاں جار جت ءُ گُوَشت ; ھور گوں سرکاری کارگسانی جھاد کنوکیں کارمسترانی ھم سَنَّتی ءَ پہ مُلک ءِ نَگیگیان ءِ کم کنگ ءَ جَزم ایں ۔ 
واجہ سایگانی  دَرّائینت کہ ما  بازیں جِھد ءُ ساھے  ءَ پہ ھند ءُ دمگ ءِ اپ ءُ برگ ءِ شلگرھان  ءَ کم کنگ ءَ کتگ ءُ برجم داشتگ ءُ اے جھد دیمتر ءَ  پہ دگہ مشکلانی کم کنگ ءِ ھاتر ءَ انچوش جاری انت ۔
واجہ سایگانی چہ ھند ءُ دمگ ءِ نیکراھی پیسروکاں ، ورناھاں ، کماشان ءُ بانکان لوٹ ات کہ دراھیں پڑانی تہ ءَ پہ مشکل ءُ جنجٹانی کم کنگ ءِ بارو ءَ گوں ما ھور ءُ ھم تپاک بِہ بَہ انت ۔
اے دیوان ءُ نند ءُ نیاد ءِ پَتر ءِ سر ءِ نشتگین مردماں ، وتی لیکہ ءُ دیدانکان ءَ پہ ملک ءِ نگیگیانی بارو ءَ درشان کت ۔  دیمتر ءَ ھم واجہ سایگانی ، چہ سرکاری کارگسانی کارمستران ءِ گپا نی درشان کتگیں  مشکلانی اشکنگ ءِ رند ،  جنجٹانی کم کنگ ءِ رھدر ءِ بارو ءَ گپ جت / رجانک : میرجلال