گنداوگ ءِ دمگدار ءَ گوَشت ; چوٹ آباد کلگ ءِ برگ ءُ لین ءِ جنجٹ ھمے زوتاں توجیل کنگ بیت

چہ میارجل ءِ بنجاھی ھالرسانی ءِ ھالانی رد ءَ ; رند چہ اے رسانکدر ءِ ھالانی شنگ ءُ شانگ پہ چوٹ آباد کلگ ءِ برگانی ھاٹیگ ءِ نزوری ءَ ، گنداوگ ءِ دمگدار چہ وتی رندگیری ءَ پہ اے کلگ ءُ دگہ آباتی انی برگی جنجٹ ءِ بارو ءَ گپ کت .

ھاشم زھی گنداوگ ءِ مامیر ءُ دمگ دار ، یک گپ ءُ تزانے ءِ رد ءَ گوں میارجل ءِ ھالکار ءَ ، مردمانی لوگانی سارتیں آسراتی انی مکینہ ءِ سُچگ ءَ ، چہ برگانی ھاٹیگ ءِ نزوری اں مَنّ ات .

اے واجہ وتی گپان ءِ دگہ بھرے ءَ گوشت کہ رند چہ منی پٹّ ءُ پول ، چوٹ آباد ءِ اے جنجٹ ءِ سر ءَ پدّر بوت کہ مردمانی لوگان ءِ بازیں سارت کنوکیں آسراتی سامانے چہ برگانی ھاٹیگ ءِ نزوری اں سوتکگ ءُ تاوان ءِ آماچ بوتگ انت . گنداوگ ءِ مامیر ءَ گوشت کہ چہ چوٹ آباد کلگ ءِ برگانی ھاٹیگ ءِ نزوری ءَ اے ھلک ءِ بازیں جھمنندے وتی ماسیگ ءُ گلّہ ءَ درشاں کتگ . گنداوگ ءِ دمگدار ءُ برگانی کارگس ءِ ھلاکہ ای مزن کارمستر ءِ گپ ءُ تران ءِ رد ءَ ، پہ چوٹ آباد ءُ لھتے دگہ ھلک ءُ کلگاں ، برگانی ھاٹیگ ءِ زور دیگ ءِ ھاتر ءَ ، لھتے "ترانس" گیش ءُ گیوار بوتگ . اے واجہ ءَ گیش کت کہ گوں ھلاکہ ءِ برگانی مزن کارگس ءِ ھم سنتی ءُ امباسکی ءَ جھد کن ایں کہ زلوری ایں بنمال بندی ءَ گوں ، تلنگ ءِ ھند ءَ ، برگانی نوکیں ۶۳ کیلو واتی پُست ءُ بنجاھے راہ پِرّینگ بہ بیت ءُ اگاں برگانی ھلاکہ ای زمہ واراں وتی داتگیں لبزانی سر ءَ بہ اوشت انت ، دیمی وھداں گنداوگ ءِ دمگ ءَ برگانی شلگرہ ءُ نگیگی پہ مدام ءَ توجیل کنگ بنت .

رجانک : میرجلال .

ھالکار : امان اللہ عزیزی