دزّاپ ءِ سرپوشتگیں گُوَنڈیں بازار ، اکس ءُ بتانی گوشتانک ءِ سر ءَ
چہ میارجل ءِ بنجاھی ھالرسانی ءِ ھالانی رد ءَ ; گُوَنڈیں سر پوشتگیں بازار ماں دزّاپ ءِ شھر ءَ ، اے ملک ءِ یکّے دگہ چہ بازاران انت کہ " امام خمینی " ءِ دگ ءِ تہ ءَ ، " آزادی " ءُ " طالقانی " دگانی میانی شَمَگ ءَ بندگ بوتگ . راجدپتری سَنَد ءُ کاگدانی ھساب ءَ ، اے بازار ۱۳۰۸ داں ۱۳۱۱ سالانی درمیان ءَ بندات بوتگ ءُ چہ اے رد ءَ ، اے بازار ءِ اُمر ءِ کُوَھنی داں ۱۰۰ سال ءَ بیت .
بَندَگ ءُ ساچکاری ءِ ھساب ءَ ، دزّاپ ءِ کوھن ءُ سر پوشتگیں بازار ، ایرانی کوھنیں ماڑی انی زگریں ساچکاری ءِ دروشم ءَ انت . ایران ءِ اے دگہ کوھنیں بازاراں اوں انچوشیں دروشمے ءِ گُوَھدار انت . اے گونڈیں بازار چہ گِل ءُ ھشت ءَ بندگ بوتگ ءُ اے دگہ کوھنیں بازارانی وڑ ءَ ، گِردیں تاکی سَھمے آئی ءِ سر ءَ ھست . اے بازار ءِ تہ ءَ ۳۵ وڑوڑیں کُڈلی گونڈیں بان ءُ سراد انت . اد ءِ درھیں دکاندار کدیمی ءُ وھدیگیں دکاندار انت . اے بازار ءَ کیپ ( گُورپٹول ) ، کوش ، تلاھیں سھت ءُ زیور ءُ لوگی سامان بھا کنگ بنت / رجانک : میرجلال
کارمرز کنوکانی هیال