دُزّاپ ءِ مَکّی مزن مسیت ءِ ساچکاری چہ ایرانی ، اسلامی ءُ ترکی ماڑی بندگانی ھواردگیں ازم ءُ ھنران ا

چہ میارجل ءِ بنجاھی ھالرسانی ءِ ھالانی رد ءَ ; دزاپ ءِ جامع ، یا مکّی مسیت ، ماں ھلاکہ ءِ تہ ءَ مسلمانیں سنی مھزبانی ٹوہ تریں مسیت ءُ ایران زمین ءِ یکّے چہ ٹوٹیں مسیتان انت . اے مسیت ءِ ساچکاری ءُ آئی ءِ چمشانک ءُ ندارگی جاورھالان ءَ ، پہ مردمانی ارواہ ءِ دل دوستیں سکین ءُ سیل ءُ ندارگی جاگھی ءِ وڑ ءَ ، ماں دزاپ ءِ شھر ءَ بَدل کتگ . دزّاپ ءِ شھر ، ماں ایران ءُ دگنیا ءِ تہ ءَ نیکراھی ءِ یکے چہ زگریں دمگان ءُ بلوچ راج ءِ کوھنیں ھنکین انت . دزّاپ ءِ شھر ، چہ وتی ھزگاریں راجدپتری گوستاک ءُ دگہ روبیدگی ءُ چاگردی بستار اں ، یکّے چہ ترّ ءُ تابی شھر ءُ دمگان انت .

چہ ھلاکہ ءِ راجدپتری جاھانی ھساب ءَ ، دزاپ ءِ مکّی مسیت ، اے ھند ءُ دمگانی تہ ءَ ، نیکراھی ءِ چہ اسلی ایں سیل ءُ سوادی شھران انت . ھمُک سالاں ، چہ ایران ءِ درھیں دمگان ءُ دگہ درملکی تک ءُ پھناتاں بازیں ترّ ءُ تاب کنوکیں مردمانے ، مکّی مسیت ءِ چارگ ءَ ھاتر ءَ دزاپ ءَ کاینت . اگاں شما بلوچستان ءِ سات ءُ سپر ءِ واھگدار ات ، دزّاپ ءِ مکّی ءِ جامع مسیت ءَ الم ءَ بہ چار ات ءُ چہ اے ایرانی ، اسلامی ءُ ترکی ءِ ماڑی بندگ ءِ ھواردگیں ساچکاری ءِ ازم ءُ ھنر اں ، ھَزّ بہ کن ات . دیم تر ءَ پہ شمئے گیشتریں زانتے ءِ ھاتر ءَ ، یک تامرھالے ءِ چارگ ءَ مئے گوم ءَ ھور ءُ ھمراہ بِہ بَہ ات داںکہ شما را اے مسیت ءِ بارو ءَ بازیں سرپدی انے بہ رس ایت.

رجانک : میرجلال