دشتیاری دمگ ءُ نگور ءِ شھر ءَ نمیرانیں حمیداللہ سردارزھی ءِ نام ءَ ھیرکار بنداتیں دربرجاھے ۱۲ کلاس
چہ میارجل ءِ بنجاھی ھالرسانی ءِ ھالانی رد ءَ ; داں انیگ ءَ گیش چہ ۴۷۰ وانگ ءُ دربرگی کلاس ءُ ، چہ ھیرکار ءُ نیک سساھیں واجہ مطھری ءِ نیمگ ءَ ھلاکہ ءِ کونڈ کونڈ ءَ اڈ ءُ بندگ بوتگ . چوشیں کِرد ءُ کارپدے اے واجہ ءِ ھاسیں دلگوشی ءَ پہ سیستان ءُ بلوچستان ءِ وانگی دربرجاھانی اڈ کنگ ءَ ، پدّر کنت .
میثم لکزایی ھلاکہ ءِ دربرجاھانی نوکساچی ءِ کارمستر ءَ گوشت ; ھور گوں ھیرکاریں دربرجاہ اڈ کنوکاں ، ایران ءِ اسلامی سرکار ءَ ھم دربرجاھانی اڈّ کنگ ءِ ھاتر ءَ ھلاکہ ءِ تہ ءَ ھاسکاریں دلگوشے گُوَر دیگ ءَ انت . گوستگیں سال ءَ ، گیش چہ ھزار ملیارد تومن سرکاری بنمال ، ھلاکہ ءِ تہ ءَ ھرچ ءُ درچ بوتگ . اے بارو ءَ ۱۷۲۱ وانگی جاہ ءُ کلاس پاریگیں سال ءُ ۱۷۲۱ نوکیں کلاس ءُ جاہ ، ھلاکہ ءِ دربرجاھانی شمار ءَ گیش کنگ بوتگ انت ءُ کساس ۲۰۰۰ دگہ اوں ماں انیگیں سَال ءَ بندگ بُوَگ ءَ انت .
گوشگی انت کہ اے دربرجاہ ، ۱۲ کلاس ءِ رد ءُ ، ۱۲۷۰ متر مربع بُن پد ءِ سر ءَ انت ءُ گوں واجہ مطھری ءِ جزم ءَ ، کساس ۱۲ ملیارد تومن پہ اے وانگجاہ ءِ بندگ ءَ ھرچ ءُ درچ بوتگ . جہ اے دربرجاہ ءِ تہ ءَ گیش چہ ۵۰۰ نودربر وتی دربرگ ءِ ھاتر ءَ سوب گِر انت / رجانک : میرجلال .
کارمرز کنوکانی هیال