دشتیاری دمگ ءُ گواتر ءِ ھند ءَ ، امبری سال ۱۴۰۲ ءَ ، شھید صنعتی ءِ تلاوگی ماھیگانی اولی رون ءِ بندات
چہ میارجل ءِ بنجاھی ھالرسانی ءِ ھالانی رد ءَ ; اے ھند ءُ دمگ ءَ چہ ۱۸۰۰ "ھکتار" ٹلاوگی ماھیگانی تیاریں کشار ءِ کچ ءَ ، ۸۷۱ "ھکتار" ءِ سر ءَ مَتَتو ءِ تم ریچگ بوتگ کہ اے سال ءِ امبار کنگ ءِ ھساب ءَ ، سد ءِ دہ بھرے بنت .
ھلاکہ ءِ "شیلات" کارگس ءِ کارمستر ءَ گوشت ; دشتیاری ءِ تیاب دپاں چہ موسمانی ھساب ءَ ، ھاسکار پہ وانامی مَتَتو ءَ گھتریں جاہ انت ءُ ما اے ھند ءُ دمگ ءِ تہ ءَ متتو ءِ رودینگ ءَ پہ مزن ھور ءِ ملکانی باپار کنگ ءِ ھاتر ءَ ردوم دات کن ایں .
واجہ عطاءاللہ رئیسی ءِ گیش کت کہ پہ متتو ءِ تلاوگی کشار ءَ چہ تم ریچی ، رودینگ ءُ آئی ءِ رون ءِ کار ءُ بارانی سر ءَ جھد بوتگ دانکہ شرّین ءُ الکاپیں بنڈل بندی ءَ گوں دری ملکانی نیمگ ءَ باپار کنگ بہ بیت . اے واجہ گوشت کہ اے کار ءُ چلوپگ ءِ مال بندی ءُ ردوم دیگ ءِ دیم ءَ ھچ وڑیں مھن ءُ مکنے نیست ءُ ھزگاریں کارندہ اں توان انت کہ دلجمی ءِ سر ءَ تلاوگی ماھیگاں ، ھاسکار متتو ءِ رودینگ ءِ سر ءَ بنمال بندی ءَ بہ کن انت دانکہ ھند ءُ دمگ ءِ تہ ءَ اے چلوپگ کار ءُ بار گیش بہ بیت .
ھالکـار : منصور کریمدادی
رجانک : میر جــــــــــلال
کارمرز کنوکانی هیال