چھباری ڈُنگاں پارسی ءِ کْوھنیں لبزانک گوں بے وسی ءَ دیم پہ دیم کُت

چہ میارجل ءِ رسانکدر ءِ بنجاھی ھال ءِ نیمگ ءَ مھمد جواد سادکی ءَ نبشت : پارسی ءِ کوھنیں لبزانک کہ لھتیں آئی ءَ چہ نزامی گنجوی ءِ بارہ ءَ ءُ لھتیں آئی ءَ رودکی ءِ زمانگ ءِ دور ءِ زانگ اَنت کہ سر ماں چَکّ ءَ دہ کرن امر ءُ کوھنی ئِے ھست اِنت کہ بتلے ماں آئی ءِ توک ءَ مان اِنت چش اِنت "دزد نادان می زند بہ کاھدان"

گوں ادارہ کل سمت ءِ استان ءُ سیستان ءُ بلوچستان ءِ شنگ کاری ءِ جار ءِ بارہ ءَ کہ ادارہ سنئت ءُ مئدن ءُ تجارت ءِ چھبار ءِ مکابراتی پست  (گوانکو کہ 124 شمارہ اِنت ئِے ءُ مردمانی گلہ ءُ زاری ھمیشی ءَ سر بیگ اَنت) چہ دز ءُ ڈنگانی نیمگ ءَ دزگ بیتگ ، انی چھبار ءِ شھر نند باید کہ وتی شکایت ءُ ارزیاں دیم پہ دیمی بہ بر اَنت ءُ بہ رسین اَنت ءُ ادارہ سنئت ءُ مئدن ءُ تجارت ءَ اَبید چہ مُرگ ءُ روگن ، برنج ، شکر ، سمبوسر ، پکوڑا ، پراٹا ءُ چولا ءِ سرپ کہ آ ادارہ ءِ ھیرواھی ءُ نیک نیتی ءَ بوتگ دگہ سرپے ھم ماں ادارہ "سَمت" ءِ دروازگ ءِ دپ ءَ گیش بوت ۔

ھمے درگت ءَ دولت ءِ سے مزنیں سیاسی ءُ مچانکی ءُ زرکاری ءِ لیڈراں ماں چھبار ءَ کہ کوروش ءِ مزنی یا شایان ءِ ھوش ءُ بودناکی یا رستم ءِ زھم جنی ءِ نام ءِ ھاتر ءَ سوگند اِش یات کت کہ ھچ وڑ ءَ نہ لوٹ اِت اِش کہ نام اِش شنگ بہ بیت ءُ سے ئیں چیرُکائی ماں یک مزنیں ھال ءُ پال ءُ اھوالی ءِ رند ءَ اَنت ءُ ملائی کنگ اَنت دانکہ دزاں ودی بہ کن انت ءُ مال ءَ پہ بیت المال ءَ واتر بہ کن اَنت ءُ دُزّ وتی کتگین ءِ شزا ءَ بہ رس اَنت ۔

یک کارمستر ءُ زمہ وارے ءَ کہ ھمے کار ءَ یک وڑیں ھمگرنچی ئِے ھست اِنت ءُ اِے بارہ ءَ درائینت ئِے : چوناھیگا کرار اِنت کہ ماں یک نمدی یے تہ ءَ سرجمیں ھال ءُ اِھوالاں پہ پارسی زبان ءُ لبزانک ءِ پرھنگستان (شھزانت جاہ) ءِ واست ءَ سر بہ کن اِیں  چو کہ اِے دزی ءِ ادبی پھنات اِنت ماں اے بتل ءِ "دزد نادان می زند بہ کاھدان" توک ءَ گڈ چہ دہ کرن ءَ پد ءَ چمشانکے بہ دے اَنت ۔