چھبار دمگ ، مردمانی لوٹ ءُ واھگ چہ شھر ءِ آپانی کارگس ، جدگال آباد ءَ پرچا آپ نیست ؟

جدگال آباد میتگ ءِ مردماں ; مکران ۲۴ ءِ ھاریگ ءِ ورگی آپ چنت ماہ انت بند انت ، آھاں وتی مشکل ءِ ھاتر ءَ چنت رند آپانی کارگس ءِ نیمگ ءَ شتگ ءُ توجیل ءِ رھدرے لوٹتگ یلے ھچ کس ءَ پدرّیں پسّوئے نہ داتگ . مکران ۲۴ ءِ جھمنندیں مردمے ءَ گوش ایت کہ اے کوچگ ءَ آپی نلانی چیرساچ چہ پیسر ءَ کل بوتگ ءُ اے نگیکی گوں کمیں توجیلے ءَ گیش ءُ گیوار کنگ بیت بلے آپانی کارگس ءِ اگدہ داراں چہ کسانیں گامگیج ءُ میتگ ءِ سرجنگ ءَ اوں نزور انت ، مھلوک وتی جاک ءُ توار ءَ کجام زمہ وار ءَ سر کن انت دانکہ آھانی توار اش کنگ بیت ؟ ھلاکہ جھگیر ؟ ملک ءِ مزن جھگیر یا کہ اے جنجٹ گوں چھبار ءِ آپانی کارگس ءَ توجیل کنگی انت ؟ مردم وتی پہ آپ ءِ نگیگی اں توجیل ءِ رھچار انت ءَ آھانی واھگانی لوٹ دیمتر ءَ ھم برجاہ انت.