چھبار دمگ ءَ یک ۱۲ کلاسیں دربرجاھے ءِ دیم درائی مراگش

چہ میارجل ءِ بنجاھی ھالرسانی ءِ ھالانی رد ءَ ; ملک ءِ دربرجاھانی نوکساچی ءُ بودشت ءِ کارمستر ، ماں چھبار ءِ رسالت دربرجاہ ءِ دیم درائی مراگش ءِ درگت ءَ گوشت ، مئے اولسری مول ءُ مراد ، نیمہ تالیں دربرجاھانی سرجم کنگ ءُ وانگجاھانی زرّی وسانی ءِ گیش کنگ انت .

حمیدرضا خان محمدی ءَ گیش کت ; اے دربرجاہ ، یک، ۱۶۰۰ متریں ڈگارے ءِ سر ءَ گوں ۱۵ ملیارد "ملی" بنمال ءِ ھرچ ءُ درچ ءَ بَندَگ بوتگ .

آئی ءَ ، یک دوسالگیں مراساتے ءِ رد ءَ کہ پہ دربرجاھانی بودشت ءُ نگیگی انی کم کنگ ءِ ھاتر ءَ گیش ءُ گیوار بوتگ ، گوشت ، ما وت را الکاپیں مول ءُ مکسدانی سیمسراں نزیک کت کن ایں ، بلے داں پورہ ایں مکسدانی رَسَگ ءَ ، ما را لھتے مونڈ ءُ مھتاجی ھست . مئے اولی مول ناسرجمں کارانی سرجم کنگ انت .

ملک ءِ دربرجاھانی بودشت ءِ کماش ، دمگ ءِ نندوکیں مردمانی شمار ءِ دگَری ءُ شھر ءِ کَش ءُ گوَری ھلک ءُ کلگانی گیش بیگ ءِ بارو ءَ گوشت کہ ، چھبار ءِ نندوکیں مردمانی کچّ چہ "اقتصادی" ءُ مالی روزگار ءِ جاورھال ءِ ھاتر ءَ ، باز بوتگ ءُ شھر ءِ بازیں کُنڈ ءُ بھرانی تہ ءَ ما را پہ دربرجاہ ءِ اڈکنگ ءِ ھاتر ءَ جاہ ءُ ڈگار کَمّی انت ءُ اے نگیگی اوں ھند ءُ دمگ ءِ درھیں اگدہ زیر ءُ زمہ وارانی ھمکوپگی ءَ لوٹ ایت .

واجہ خانمحمدی ءَ گیش کت کہ ھرچ دربرجاھے ، ھما ھلک ءُ ھبیل ءِ دیمروی ءِ جھگیر انت ، گرماگانی درگت ءَ ، دربرجاھاں پہ روبیدگی مول ءُ مرادانی دیمروی ءِ بارو ءَ کارمرز کنگ بِہ بنت .

رجانک : میرجلال .

ھالکـار : عبدالقادر شیخ زادہ