چھبار دمگ ءِ ورگی آپانی لاتیدان کارجاہ ءِ دیمروی ‍ ءِ کار ءُ بار کجام جاہ ءَ سر بوتگ ؟

چہ میارجل ءِ بنجاھی ھالرسانی ءِ ھالانی رد ءَ ; چھبار ءِ دمگ دار ءَ گوشت کہ گوں لاتیدان ءِ ورگی آپ ءِ کار ءُ بارانی سرجم بیگ دیم پہ جھگیری بکش ءَ ، اے دمگ ءِ وزگی آپ ءِ جنجٹ ءُ شلگرہ ، پہ مدام ءَ ھلاس بیت .

چھبار ءِ دمگ دار ءَ گوشت کہ گوں اے " پروژہ" ءِ کار ءُ بارانی سرجم بیگ ءَ ، جھگیری بکش ءِ ۵۸ ھلک ءُ کلگ ءِ مردمانی ورگی آپ ءِ تیاری ءَ ، اے ھند ءِ چہ ۱۰۰ کلگ ءَ ھانی ۹۸ ءِ ھساب ءَ شیرکنیں آپ ءِ واھند بنت ءُ لس مردمانی ورگی آپ ءِ جیڑ پہ مدام ءَ ھلاس ءُ آسر بیت .

واجہ سپاھی ھن چھبار ءِ دمگ دار ءَ تران کت کہ لاتیدان ءِ کارجاہ ءَ کار ءُ بار چہ سال ۱۴۰۱ ءِ تیر ماہ ءَ بندات بوتگ ءُ داں انی ءَ باز دیمروی ئے کتگ .

اے گپ ءُ تران ءِ رندگیری ءِ رد ءَ واجہ علی اکبر آقائی چھبار ءِ ورگی آپانی کارگس ءِ کماش ءَ گوشت کہ اے کار ءُ بار ءِ ھرچ ءُ درچ ءُ بنمال ، چہ مکران ءِ تیاب دپانی دیمروی ءِ مراگشان ءُ جھاد آبرسانی ءِ نیمگ ءَ جریدگ بوتگ ءُ سرجم بیگ ءَ گوں ، چھبار ءِ جھگیری بکش ءِ ۳۵۰۰۰ مردمانی ورگی آپانی نگیگی اں ھلاس بیت ، 

چھبار ءِ ورگی آپانی کارگس ءِ کماش ءَ گیش کت ; اگاں کار ءُ بارانی دیمروی ھمے تیزی ءِ سر ءَ دیم ءَ بہ روت ، داں انیگیں سال ءِ شھریور ماہ ءَ ، اے ھند ءِ آپی جیڑ ءُ جنجٹ ھلاس ءُ آسر بیت ءُ مردمان ءَ شیرکنیں آپ وارینگ بیت / رجانک : میرجلال .