چھبار ءِ زردیں ٹکسی انی رُمب ءِ کساس ءَ ۱۶۰ موٹل گیشتر بوتگ بلے پہ مردمانی آسراتی ءَ ھچ وڑیں کارے گن

چہ میارجل ءِ بنجاھی ھالرسانی ءِ ھالانی رد ءَ ; چوناھا کہ گوستگیں ماھانی تہ ءَ چھبار ءِ ٹکسی انی کچّ ءُ کساس ۱۶۰ دگہ گیش کنگ بوتگ بلے اے گیش بوتگیں ٹکسی انی رمب ھم پہچھبار ءِ مردمانی آسراتی ءِ ھاتر ءَ ھچ وڑیں زَھمے نہ جَتَگ . مھلوک نارازی ءُ مونجائی چہ اے ٹکسی انی کِرد ءَ سَوَب بوت کہ اشانی درستیں ڈلیور ءُ ھَلّائینوکاں ، چہ اے پڑ ءِ کارگسانی کارمسترانی نیمگ ءَ پہ گپّ ءُ گال ءِ نند ءُ نیادے ءَ لوٹگ بہ بنت . گپ ءُ گال ءِ رند ، یک ڈلیورے ءَ گوشت کہ مئے یک ٹوھیں مشکل ءُ نگیگی ئے ، ھر روچ ءِ چنت اداریں اوشتگ ءُ ودار پہ کمو بنزن ءِ ھاتر ءَ دراجیں سرپانی سر ءَ انت .

میارجل ءِ بنجاھی ھالرسانی ءِ رندگیری ءِ رد ءَ ; واجہ درویش بلوچ چھبار ءِ شھردار ءَ گوشت کہ پہ اے ٹکسی موٹلانی بنزن جَنَگ ءِ ھاتر ءَ شھر ءِ یک ھاجگاہ ( ایستگاہ ) ءِ تہ ءَ ۲ ھاسیں پمپ ( بنزن زوپ ) گیش ءُ گیوار بوتگ . اے واجہ دیمتر ءَ گوشتگ کہ ٹکسی موٹلانی دلیووران ءَ شھر ءُ مردمانی ھزمت کنگ ءِ زلورت انت ، ڈلیوراں اگاں پہ شَرّی ءَ وتی زمہ ءَ مہ ڈوب انت ، اول سر ءَ آھانی بنزن ءِ کارٹ سوچینگ بیت ءُ دومی بر ءَ ھم ھما ٹکسی موٹل چہ آئی ءِ دست ءَ پَچ گِرَگ ءُ دگہ ڈلیور مردمے ءَ دَیَگ بیت .

چہ دگہ نیمگے واجہ انارکی چھبار ءِ سزادھی ( تعذیرات ) ءِ کارگس ءِ کماش ءَ گُوَشت کہ پہ گیش چہ ۵۰ نپر چہ ردکاریں ڈلیورانی ھلاپ ءَ ردکاری ءِ ارزی بندی منزور بوتگ . دیمتری روچاں ، چہ اے ارزی بندی ءِ آسرال ءَ ، مردمان ءَ سرپدی دیگ بیت / رجانک : میرجلال