چھبار ءِ مردم ءُ نادراھجاہ ءِ کارندہ انی گپ ءُ گِلّہ گوں بھداشت ءِ وزیر ءَ + تامر
چھبار ءِ 540 تھتیں نادراھجاہ ءِ بنرد ءِ گِرَگ ، رند چہ 6 سال ءِ گوزگ ءَ ھم بنگیج نہ بوتگ ۔ اے نیامجی ءَ اینچو سالانی تہ ءَ بازینے چہ زمہ واراں آتک انت ءُ اد کنگ ءِ لبزش کت ءُ شت انت ءُ چَکّ اش نہ تَرّینت ۔
چہ میارجل بنجاھی ھالرسانی ءِ ھالانی رد ءَ ; اے شھر ءِ کوھنیں نادراھجاہ کہ امام علی ءِ نام ءِ سر ءَ انت انگت ءَ کاربند بوھگ ءَ انت بلے اے بیم انت کہ گوں یک گوندین زمین چنڈے ءَ پد ، چہ بُن ءَ ھڑیا بوت کنت۔
چہ دگہ نیمگے ءَ ، 6 سال پیسر ءَ لھتے دمگی ، ھلاکہ ای ءُ ملکی زمہ واران چھبار ءَ آتک انت ءُ زمین ءِ سر ءَ کشک ءُ کَلّے اش کُرُھت دانکہ پہ چھبار ءَ 540 تھتیں نادراھجاھے اد ءَ اڈ بہ کن انت بلے رند چہ اے سالانی گوزگ ءَ ، نادراھجاہ ءِ ھالے نیست ۔
میارجل ءِ اھوالکارپہ اے دمگ ءِ بھداشتی نگیگیانی جاورھال ءُ نادراھجاہ ءِ بارو ءَ کہ گُوَشگ بوتگ چہ راسک داں جاسک ءِ دمگان ءَ وتی ساھگ ءِ ساھیل بہ کنت تامرھالے ٹھیتگ ۔ پہ اے تامرھال ءِ چارگ ءَ مئے گوم ءَ ھور ءُ ھمراہ بِہ بَہ ات / رجانک : میرجلال
کارمرز کنوکانی هیال