چہ پیشن ءِ نہ کٹوکیں نہ گِیگیانی جاورھال ءَ / شھرے کہ یک ماھے بیت اود ءَ کپسول گاز ودی نہ بیگ اِنت +تا

میارجل ءِ بُنجاھی رسانکدر ءِ ھال ءَ : مدتے پِیش ماں یک تامُر ھالے ءَ پیشن ءِ شھر ءِ بڈُکیانی نگیگی دیم ءَ آورت اَنت بلے انی پد ءَ مئے ھالکار روان دیگ بوتگ کہ چہ مردمانی دگہ نگیگیانی بارو ءَ گپ بہ کنت.

پیشین ءِ مردماں گیش چہ ماھے بیت اِنت کہ گاز اِش نیست اِنت ءُ پہ سیلندر ءِ زورگ ءَ باید دشتیاری ءُ کَش ءُ گور ءُ گنداوگ ءُ گِھ ءَ بہ رو اَنت اے ماں یک جاور ھالے ءِ تہ ءَ اِننت کہ ھر روچ 7 یاں 8 ٹانکر  گاز چہ پیشن ءِ  بازار ءِ مرزی  ءَ دیم پہ پاکستان ءِ ھکومت ءِ واست ءَ روان دیگ بیگ اِنت.

لھتیں چہ پیشن ءِ مردماں ماں یک گپ ءُ گُپتے ءَ پہ میارجل ءِ ھالکار ءَ گوشت اِش : یک ماھے ءَ گِیش بیت اِنت کہ ماں پیشین ءَ گاز نیست اِنت ءُ چہ مجبوری ءُ لاچاری ءَ دار ءُ ڈنگر کار مرز کنگ اِیں کہ پہ بژن گوش آں کہ 32 ھزار کَس ءِ دیم ءَ دار داشت نہ کن اَنت ءُ نہ پُجّ اَنت ءُ دگہ نیمگے زید ءُ کھچر ءِ کار والا ھم موکل نہ دے اَنت کہ زید ءَ دست بہ جن اِین ءُ ھراب بہ کن اِیں ءُ دار ءُ پیش نیست اِنت کہ مجبور ایں سبزیں درچکاں بہ برّ ایں تا چُنت روچ ءَ ھشک بہ بنت ءُ پہ دار ءِ جاہ ءَ کار مرز اِش بہ کن ایں.

مردم گوش اَنت ھچ زمہ وارے اے بارو ءَ مئے پسو دیگ ءَ تیار نہ اِنت  چہ سد ءَ گِیش دیوان ءُ گند ءُ نند گوں  بکشداری ءُ پرمانداری گِرگ بیتگ اَنت کہ بژنی گپے کہ ھچ کس اے بارو ءَ دلجمیں پسوے نہ دے اَنت بس  کارمستر ءُ زمہ وار مردم ءَ پہ سبر ءُ اوپار ءَ داوت کن اَنت، زاناں بیت کنت کہ یک ماھے بے گاز ءَ سَگُ اِت بہ کن ایں.

 یک سھیگ ءُ مالومداریں مردمے چہ گاز ءِ راہ دیگ ءِ بارو ءَ پہ پاکستان ءَ پہ میارجل ءِ ھالکار ءَ گش اِیت : گاز ءِ دیم دیگ پہ پاکستان ءِ مُلک ءَ چہ پِیشن ءِ مرزی پھکیں بازاراں گوزان ءُ روان اِنت ءُ پیشن ءِ مرزی بازار ھم  سیستان ءُ بلوچستان ءِ مرزی بازاران اِنت ءُ اے گاز اے بورس ءِ راہ ءَ گوں (صادراتی)زیرگ بیگ اِنت ءُ گاز ءِ نہ بیگ ماں پیشن ءِ شھر ءَ پہ جھگیران ءُ دمگی زِمہ وارانی رھوت ءُ رو ءُ آ ءِ توک ءَ اِنت کہ اے بارو ءَ مردمانی پسو ءَ بہ دئینت۔

 میارجل ءِ تامر ءُ مردمانی گپ ءُ کِسو چہ شمئے چم ءُ دیدانک ءَ گْوز اَنت ۔

رَجانک : مھرنگ بلوچ