برگانی پیمانکار ءِ ۴ سالگیں کولہ روگ آشار ءِ مردمان ءَ تکانسر کتگ

چہ میارجل ءِ بنجاھی ھالرسانی ءِ ھالانی رد ءَ ; لین ءُ برگ گوستگیں چنت سدی انی درگت ءَ چاگرد ءِ درھیں تک ءُ پھناتانی تہ ءَ بازیں بود ءُ دیمروی ءِ سَوَب بوتگ ءُ مرچاں مردمانی زند ءِ یک بُنّکی زلورتے انت . ملک ءِ جھگیری دمگاں چوشکہ تھران ءَ ، مردم ءَ گوں برگ ءِ نزوری ءُ بے تُھکی ءَ کمتریں پجارے نیست بلے بلوچستان ءِ ھند ءَ کہ لھتے بے زمہ ایں اگدہ دارانی بنجاہ انت بازیں جاھانے ، یا کہ پہ بِہ لین ءُ برگے نیست یا ھم اگاں ھست ، نزوری ءِ آماچ انت ءُ مردم چہ اے بابت ءَ تکانسر انت ءُ لھتے جاھاں برگ انگت ءَ سر نہ بوتگ . آشار ءِ سیمسری شھر ءِ لھتے ھلک ءُ ھاری اں لین ءِ ھاٹیگ نزور یا کہ برگی تیر ءُ منکّ اں ءَ انگت ءَ آ جاھاں سر نہ بوتگ ءُ چہ مردمانی لوگاں دور ءُ گِستا انت . لین ءِ چیرساچی "پیمانکار" کہ ۴ سال انت اے زمہ ءَ زرتگ نوں وتی ڈوبہ ءَ نہ منّ ایت ءُ مھلوک ءُ ملک ءِ اگدہ دارانی پسو ءَ نہ دنت ، پدّریں دابے کس اے جنجٹ ءِ پیلو ءَ نہ کنت ، نئیکہ اے "پیمانکار ءِ منّانک نمدی ءَ بدل کن انت ، نئیکہ دگہ نوکیں زمہ زیریں مردمے کار انت .

واجہ عطاءاللہ رسولی مھرستان دمگ ءِ شورجاہ ءِ کماش ءَ گوشت ;اے مشکل ءِ بارو ءَ ھر چینچو کہ ھلاکہ ءُ ھند ءُ دمگ ءِ اگدہ دارانی کِرّ ءَ رندگیری کتگ داں انّی ءَ الکاپیں کٹّ ءُ باشدے ما را دست نہ کپتگ ءُ بید ءِ وتی شرموکی کہ ھند ءُ ھلاکہ ءِ زمہ وارانی کولہ روگ ءُ کاھلی ءِ ءِ ٹیکی پہ اے ملک ءِ مردمان انت انت چیزے پشت نہ کپتگ .

ھالکـار : امان اللہ عزیزی

رجانک : میر جـــــــــلال