بنزن ءُ دیزل ءِ چیلامیں کسمانک کدیں آسر بیت + تامر

چہ میارجل بنجاھی ھالرسانی ءِ ھالانی رد ءَ ; رند چہ موٹلانی ماہ ءُ سالی سرپ ءُ کشکاں ماں بنزن جاھانی دیم ءَ ماں سیستان ءُ بلوچستان ءِ ھلاکہ ءَ ، انگت ءَ کہ انگت انت ٱلُس ءِ اے وار دارگ ءُ زبھری ءِ سر ءَ توجیلے کنگ نہ بوتگ ءُ راجمان ءِ اے جاورھال روچ پہ روچ ءَ گنتر بیگ ءَ انت . 
بنزن ءُ ڈیزل ءِ لڈّ ءُ بار پہ سیمسرانی آ دیم ءِ بَرَگ ءَ ، اے جنجٹ ءِ منانک پدّر کنگ بوتگ ءُ ھمے شِلگِرَہ سوب بوتگ کہ نپت ءِ مَزَن کماش ءُ ٱگدہ داراں گوں بے موچیں دابے ءَ اے ھلاکہ ءِ بنزن ءُ ڈیزل ءِ راج ونڈ ءَ کم بکن انت ، پمیشکا اے بارو ءَ واجہ سئیدی چھبار ، کنرک ، زراباد ، دشتیاری ، گِہ ءُ گنداوگ ءِ جھگیر ، اے کار ءِ سر ءَ تھروز گپتگ ءُ ایر جتگ .
سئیدی ءَ گُوَشت ; چہ بنزن ءُ ڈیزل ءِ ریزوکی بھاکنوکانی نَزّارگ ءُ تنک دیگ ءِ بدل ءَ گھتر انت کہ نپت ءِ پھنامیں بھا برید ءِ مزن سوداگرانی  ریسکاری دستان ءَ چہ اے جیگ ءَ بہ سِند ات . شمئے وس ءُ زور نپت ءِ ٹوھیں ریسکارانی گوم ءَ نہ رس ایت ، لوٹ ات وتی بیڑ ءَ چہ ھلاکہ ءِ مردماں بہ گر ات . 
واجہ سئیدی آھر سر ءَ چہ نپت ءِ ٱگدہ داراں لوٹ ات کہ تچک ءُ پدّری ءَ وتی اے چیراندری رھبند ءَ پہ راجمان آسراتی ءِ سر ءَ راست بکن انت / رجانک : میرجلال