بلوچستان ءِ راج ءُ مردمانی وشّاتکی چہ ایران ءُ مکّران ءِ تیاب دپ ءِ ڈولداری ءِ پیشواز کنوکیں بیرک د

چہ میارجل ءِ بنجاھی ھالرسانی ءِ ھالانی رد ءَ ; بلوچستان ءِ راج ءُ مردماں اے رند ءَ گوں ھاسیں گل ءُ شادھے ءَ ، ایران ءُ مکّران ءِ تیاب دپ ءِ ڈولداری ءِ اولیگیں میلہ ءِ مراگشانی پیشوازی ءَ شُت انت واجہ علیرضا جلالزائی دود ءُ روبیدگی میراس ، ترّ ءُ تابی ءُ دستی ازم ءُ ھنرانی ھلاکہ ای کارگس سروک ماں ھلاکہ ءَ ( مدیرکل میراث فزھنگی گردشگری و صنایع دستی استان ) یک گپّ ءُ ترانے ءِ رد ءَ گوں میارجل ءِ اھوالکار ءَ گُوَشت : پہ چاگرد ءِ مردمانی درمیان ءَ گَل ءُ شادھی ءِ آرگ ءِ ھاتر ءَ ، ایران ءُ مکّران ءِ تیاب دپ ءِ ڈولداری ءِ اولیگیں میلہ ءِ مراگشانی دیم درائی ، گوں بے دروریں داب ءُ ڈولے ءَ ، ھلاکہ ءُ درھلاکہ ای مردمانی دیم ءَ برجم دارگ بوت . اے واجہ ءَ گُوَشت : گیش چہ ۱۵ ھزار کَس ، اے میلہ ءِ اولی شپ ءَ بھر زُرت ءُ شَرّیں مراگشانے ءَ ندارگ کُت . دود ءُ روبیدگی میراس .... ءَ ھلاکہ ای سروک ءَ گیش کُت کہ مُلک ءِ گیش چہ ۲۱ ھلاکہ ءِ ازمگر ءُ ازمکاراں ، ماں گیش چہ ۲۰۰ کُڈّول ءُ گونڈیں لوگکانی تہ ءَ چہ دے ماہ ۲۸می ءَ بگر داں اسپند ماہ ءِ دومی روچ ءَ ، وتی ازم ءُ ھنر ءُ کارستان ءَ ماں چھبار ءِ بھاران ءِ پارک ءُ ندارگ جاہ ءَ پیش دار انت . واجہ جلالزائی ماں وتی گپّانی رندگیری ءَ گُوَشت ، اے میلہ ءِ درگت ءَ ، مُلکی وردنانی پَچگ ءُ گرادگ ، دستی ازم ءُ ھنران ءُ مُلکی ساز ءُ زیملانی جَنَگ ، ھست ءُ زندگیں دابے ءَ برجاہ انت / رجانک : میرجلال