بلوچستان ءِ کوھنیں گْوشندھے ءِ ھال کہ انگت ازمی کاڈ ئِے ھم نہ رس اِتگ/ «دگہ نوں اُگدہ دار مارا نیم چم

 چہ میارجل ءِ ھالرسانی بنجاہ ءِ ھالانی رِد ءَ : زیبا بلوچ ءِ دل ءِ ھُلّ ءُ مھر ءِ وَلّ گیمراِتگ اَنت نوں وتی گُپت ءِ پد ءَ تھمبل ئِے نہ بیت ءُ دگہ ھچبر نہ وان اِیت بلے وھدے کہ گوں میارجل ءِ دیرگند ءَ دیم پہ دیم بیت وتی ورنائی ءِ چاڑ ءُ چڑکھانی ترانگاں کپت ءُ نازینکے پیش ئِے کت ۔
 میارجل ءِ بانکانی ٹول ءِ ھالکار بانک زبیدہ ءِ گور ءَ شتگ دانکہ پمائی ءِ بے تواریں روچاں کہ یک کُنڈے ءَ گوں بازیں جیڑگاں مان گیش اِتگ ءُ دست ءُ پاد جنگ اِنت ءُ پد ءَ ھچ کس سھیگ نہ بوتگ کہ کجا اِنت ؟ ، توارے بہ بیت ۔

 چہ اِے ھال ءِ پد ءَ بلوچانی نامی ئیں گُشندہ بانک زبیدہ آزادی گوں وتی ازم ءَ ماں گیدی ءِ کُنڈ کُنڈ ءِ ازمی مراگھاں جھلاد ءُ بالاد بوتگ بلے انوں اگدہ دار آئی ءَ ھچ کِمار نہ کن اَنت کہ کجام باگ ءِ بَٹّاگ ئے ؟ گُش ئے زاناں چشیں مردمے چہ بُندر ءَ نہ بوتگ !

گوں ما ھمراہ بئت دانکہ اِے ھال ءِ تہ ءَ بانک زبیدہ ءِ زندمان ءِ گَم ءُ گُرستاں پوہ بہ بئت ءُ چہ گِھ ءِ دود ءُ ربیدگی ءُ ازم گس ءِ اگدہ دارانی مھر ءَ ھم شمارا زانتکار کن اِیں کہ پہ زیبل ءَ ازمی کاڈے ھم نہ شھار اِتگ اِش !!!

رجانک .جاڑو بلوچ