بلوچستان ءِ دیمروی ھمگرنچ اِنت گوں بلوچ مھلوک ءِ کاربندگ ءَ /بلوچ کواس ءُ زانتکاراں پہ اوست ءِ دارگ

میارجل ءِ ھالرسانی بنجاہ ءِ ھالانی ردءَ : ولی اللہ بھرامزھی یک ورنائیں کار کنوکے ، آئی ءَ بازیں کار ماں بلوچستان ءِ دودمانی چاگرد ءَ کتگ ءُ ھنوں نسیرآباد کوچگ ءِ مردمانی جھگیر اِنت ماں بنجاھی بکش شھرستان سرباز ءِ دمگی مجلس ءَ .

آئی ءَ گُشت : من یک بلوچ کارکنوکے آن ءُ چو زان آں کہ ماں روھانی دولت ءَ چو کہ بلوچ کواس ءُ زانتکارانی ھک اَت پہ دلجمی کارمرز نہ بوتگ ، ماں چاگرد ءِ تہ ءَ مردمانی زانت ءُ شری کہ چاگرد ءِ دیمروی ءِ ٹک ءُ نشان اَنت پہ سرجمی شموشگ بوتگ اَنت یاکہ باز کم کارمرز بوتگ اَنت .

بھرامزھی ءَ وتی اوست ءُ امیت چہ رئیسی دولت چوش بیان کت : بلوچستان ءِ ھاسیں شری ماں دیمروی ءُ پہ مھلوک ءِ کاربندگ ءَ ھمے پیش دار اِیت ، بزاں بلوچستان ءَ یک ھاسیں جاگاھے ماں کشور ءِ تہ ءَ ھست اِنت چہ مادن ءَ ، کشت کشار ءَ ءُ سیمسر ءَ داں کہ ماھیگ کُشی بندن ءَ ، اگاں پہ شری دگوش گور کنگ بہ بیت پہ ملک ءِ کارباری باوست ءَ شریں بانداتے داشت کنت ، بزاں دمگی مھلوک ءَ ھاٹی دیگ ءُ کاربندگ پہ دلجمی ءُ چہ دریا ءُ سیمسر ءِ شریاں بھر زورگ پہ بلوچستان ءَ یک شریں بانداتے بوت کن اَنت ، امیت اِنت کہ رئیسی دولت ھاسیں دلگوشے گوں اے بازیں شریاں گور بکنت۔

رجانک : ملا چمل