بلوچانی دود ءُ ربیدگی کارنده : چه اِسلاهات ءُ تدبیر ءُ امید ءَ چیزے ابید چه نا امیتی ءَ بلوچستان ءَ ن

ابید ملک ریسی ءَ په میارجل ءِ اِے جست ءِ پسو ءَ که چه روهانی ءِ هشت سالگیں دولت ءَ ءُ آئی ءِ سان مندی ءَ په بلوچستان ءَ وتی دیدانک ئِے گْوشت : چه "اِسلاهات ءُ تدبیر ءُامید" ءَ چیزے بِید نا امیتی ءَ بلوچستان ءِ بهر ءَ نه کپتگ ءُ باید زمه دار ءُ دولت مردانی دیدانک ماں بلوچستان ءَ بدل به بیت انت که انگت په اِے آبریچ ءَ کومی ءُ مزهبی پادچاری دیدانک هست انت.

آئی ءَ چه وتی واهگ مندی ءَ په نوکیں دولت ءَ بزانکه رئیسی ئیگ ءَ گوشت ئِے : پاد چاریانے که برز ءَ درشان کت انت باید کِرّ ءَ کنگ به بنت ءُ ایشی ءَ گْوشت کناں که گُمان مه کناں که واکی اَنچیں پِیش آتکے به کپ ایت که باز امیت وار نیاں.

اُبید ملک ریسی مُچانکی جهدکار ءُ وانینوک چه کارندهانی دیدانک ءَ په نوکیں دولت ءَ کہ ماں ایران ءَ بدلی آرگی انت ءُ تْران کنان ئِے کت : بِندات ءَ باید استان ءِ سرجمیں جهدکاراں لَسّ دردمندی ءُ لوٹ اش به بیت بلے آ وڑ ءَ که گندگ بیگ انت لهتیں چه اِے جهدکارانی لوٹ بس وتی اندازه ءَ ءُ په درور کوم ءُ ٹک یا گیشتر په وتی شهرستان ءَ اِنت یا بلکیں لوٹ انت وتی جند ءِ هاسیں واهگاں به رس انت ناں که چاگرد ءِ لس لوٹ انت بلے من گْوشاں دردمندی په درور مُلک ءِ لوٹ یا مزنیں سیاستانی ملک ءِ یا استان ءِ اندازه ءَ به بنت.

آئی ءَ گیش کت : من اگاں یک کارنده ءُ جهدکارے آں تو گند ئے که مئے لوٹ ءُ دردمندی بس چهبار یا پهره ءِ اندازه ءَ انت ،لوٹ باید سرجمی به بنت ءُ په من یک کارندهے ءَ هیرمند ءُ چهبار ءَ دگری مه بیت که گندگ بیگ انت که ماں استان ءَ گیشتر کارنده هست انت اگاں به گندات سرپد بئت که سیستان ءِ مردم په بلوچستان ءِ بارو ءَ گپ نه کنگ انت ءُ بلوچستان ءِ مردم سیستان ءِ بارو ءَ گپ نه کنگ انت گڑا ما درست یک اِیں ءُ باید اِے جیڑگ کِرّ ءَ کنگ به بنت دانکه په آسرالے ءَ به رس اِیں.