بلوچ نُمہ ایں دربروک ءِ پَشت کپگ چہ مزن چکاس ءِ بھر زورگ ءَ پہ بے سجلی ءِ نیمون ءَ + تامر

چہ میارجل بنجاھی ھالرسانی ءِ ھالانی رد ءَ ; کریم جدگال ماں دشتیاری دمگ ءَ ، وانگ ءُ دربرگ ءِ دوازدھمی رد ءِ دربروکے انت کہ امبرانی گوں بازیں ھُبّ ءُ شوکے ءَ لوٹ ات کہ ملک ءُ ڈیھ ءِ ٹوہ تریں زانشتی چکاس ءِ تہ ءَ بھر بہ زور ایت بلے چہ بے سجلی ءِ نیمون ءَ اے راہ ءَ سوبین نہ بوت .
کریم جدگال ءَ گُوَش ایت : من کریم جدگال اں ،وانگ ءِ پڑ ءَ دوازدھمی سال ءِ دربروکے چہ دشتیاری ءِ وار ءُ زبھریں  دمگ ءَ .
نئے کہ وت ءَ کریم گُوَشت کناں نئے جدگال ، نئے کہ پِت ، منی چُکّی ءِ منانک ءَ پیش داشت کنت ءُ نئے مات ءَ من ءَ وتی دلبندی ءِ ٹُکّر گُوَشت کنت . اے درستاں چہ منی بے سجلی ءِ نیمون ءَ انت ءُ سرکاری رھبندانی ھساب ءَ من ھست ایں مردمے نہ آں .
وھدے کہ من وتی شھدربرجاھی وانگ ءُ دربرگ ءِ ترانگ ءِ مرگ ءِ بانزلاں پچ کنگ ءَ ات اں ، یک سَکّ ءُ گرانیں گپچیلے ءِ گوم ءَ کہ منی بے سجلی انت ڈیک وارت اں . نوں ،  دگہ مزن چکاس ءِ بنجاہ ءَ اوں چہ منی چکاسگ ءَ پد کنزگ ءَ انت ، چوناھیگا ، بے سجلیں مردمان ءَ سات ءُ سپر ءِ ٹکٹ ھم دیگ نہ بیت ، شھدربرجاہ ءِ وانگ وَ دیر یں گپے انت / رجانک : میرجلال