بلوچ چاگردی جُھدکار : زَھگان ءِ اِھتیاد ءُ ھیلداری ءِ ٹوہ تریں کارپَد ، چہ راج ءُ مَھلوک ءِ وَتی لوگ

میارجلّ رسانکدَر ءِ ھالرسانی ءِ سَر ءَ ، بانُک مھین ریگی یک بلوچ جُھدکارے ماں چاگِردی پِڑ ءَ اِنت ۔ اے بانُک ، زندمان ءِ یک مثبت ءُ پَکّائیں بُنجاھے ءِ واھوند ، مان چَھبار ءَ اِنت کہ ، بھزیستی کارگِس ءِ چیردستی ءَ اِنت ۔ آئی ءَ پَہ وَتی جِندِ ءِ یَک نگرانیں سسّاہ ءُ مارشتے ءِ ھاتر ءَ ، پَہ چاگِرد ءِ وَرناھانی اھتیاد ءُ ھیلداری ءِ بارو ءَ ، اے  پِڑ ءَ ماں کَپتَگ ۔
اِے بانُک ، گوں میارجلّ ءِ ھال تران کَنوک ءَ گُوَشت : مَن یک لوگمانے ءِ تَہ ءَ وَدی بوتگاں کہ پہ وَتی کار ءِ گچین کَنَگ ءَ ، مَنی چَمّ مال ءُ زَر ءِ سَر ءَ نہ بوتگ ءُ اَنّی ءَ اوں کہ من اے ، سکّ گِرانیں کار ءِ زِمَّہ واری ءَ وتی کوپگاں زَرتَگ ، من ءَ واھَگ اِنت کہ ھَر پیم ءَ بیت ، من اے راہ ءَ سوبین بہ بان ءُ امیت انت روچے بہ رَس اِیت کہ چَہ بلوچ وَرناھاں ھچّ کسّے ، نِشہ ای سامانان ءِ اِھتیاد ءُ ھیلداری ءِ آماچ مہ بیت ۔